600-ge jýyq qazaqstandyq áskerı qyzmetshi shetelde bilim alyp jatyr - QM

ASTANA. KAZINFORM – 600-ge jýyq qazaqstandyq áskerı qyzmetshi shetelde bilim alyp jatyr. Bul týraly Qorǵanys mınıstrligi Áskerı bilim jáne ǵylym departamentiniń bastyǵy, polkovnık Murat Oljabaev aıtty.

- Búgingi tańda 50-den astam sheteldik joǵary oqý oryndary men oqý ortalyqtarynda 600-ge jýyq qazaqstandyq áskerı qyzmetshi oqıdy. Oqýǵa jiberý Qarýly Kúshterdiń qajettiligine sáıkes, negizinen Qazaqstan Respýblıkasynyń áskerı oqý oryndarynda daıarlaý júzege asyrylmaıtyn mamandyqtar boıynsha júrgiziledi, - dedi ol Ortalyq kommýnıkatsııalar qyzmetindegi brıfıngte.

Onyń atap ótýinshe, ásker qyzmetshilerdi shetelde oqytý jaýyngerlik is-qımyldardy júrgizýdiń jańa tásilderi men ádisterimen, sondaı-aq qorǵanys pen qaýipsizdik salasyndaǵy halyqaralyq standarttarmen tanysýǵa múmkindik beredi.

- Basqa elderdiń ókilderimen birlesip oqytý Qazaqstannyń UQShU, NATO, Qytaı sııaqty áriptes memlekettermen, sondaı-aq kórshi Ortalyq Azııa elderimen dıplomatııalyq jáne áskerı baılanysyn nyǵaıtady. Bul birlesken operatsııalar nemese bitimgershilik mıssııalar jaǵdaıynda ózara túsinistik pen úılestirýdi damytý úshin mańyzdy, - dediń Murat Oljabaev.

Aıta keteıik, búgin senatorlar «Qazaqstan Respýblıkasynyń keıbir zańnamalyq aktilerine rezervtegi áskerı qyzmet jáne jekelegen ortalyq memlekettik organdardyń fýnktsııalaryn qaıta bólý máseleleri boıynsha ózgerister men tolyqtyrýlar engizý» týraly zańdy birinshi oqylymda qarady.