18:09, 11 Maýsym 2017 | GMT +6
600-deı ýkraınalyq Eýroodaq shekarasyn vızasyz kesip ótti
ASTANA. QazAqparat - Ýkraına men Eýroodaq arasyndaǵy vızasyz júıe engizilgennen keıingi alǵashqy bir saǵattyń ishinde birneshe júzdegen ýkraınalyq azamat shekaradan ótip úlgerdi.
«Jańa erejeler engizilgennen keıin bıometrıkalyq tólqujatpen 600-ge jýyq otandasymyz vızasyz Ýkraınanyń memlekettik shekarasyn qıyp ótti», - delingen Ýkraına memlekettik shekara qyzmetiniń saıtynda jarııalanǵan habarlamada.
Qujatta kórsetilgenindeı, vıza júıesin ártaraptandyrý barysynda Kıevtiń ótinishi boıynsha Memlekettik shekara qyzmeti qyzmetkerlerimen birlesken sharaǵa EO-ǵa múshe 9 eldiń shekara jáne FRONTEX jaǵalaý kúzetinen turatyn Eýropalyq agenttik ókilderi qatystyrlady.
EO Keńesi 11 mamyr kúni Ýkraına azamattary úshin vızasyz júıeni bekitti, 22 mamyr kúni bul sheshim EO-tyń resmı jarshysynda jarııalandy. Ol jarııalanǵannan keıin 20 kún ótkende, 11 maýsym kúni túnde óz kúshine endi.