60 jastan asqan adamdar Pfizer vaktsınasymen revaktsınatsııadan óte alady

NUR-SULTAN. QazAqparat - QR Bas memlekettik sanıtarlyq dárigeri Erlan Qııasovtyń 2022 jylǵy 13 qańtardaǵy № 2 «Qazaqstan Respýblıkasynda koronavırýstyq ınfektsııa boıynsha sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy uıymdastyrý jáne ótkizý týraly» jańa qaýlysy jarııalandy.

Bul qaýlyda halyqty koronavırýstyq ınfektsııaǵa qarsy vaktsınatsııalaý máseleleri boıynsha QR Bas memlekettik sanıtarlyq dárigeriniń buryn qoldanysta bolǵan barlyq qaýlylary biriktirilgen.

Sondaı-aq osy qujatta qosymsha mynadaı máseleler kózdelgen: Comirnaty (Pfizer) vaktsınasyn qoldana otyryp, KVI-diń aýyr kórinisteriniń damý qaýpi bar medıtsına qyzmetkerleriniń, 60 jáne odan joǵary jastaǵy adamdardyń KVI-ǵa qarsy revaktsınatsııasyna ruqsat etilgen.
Sonymen qatar qaýlyda KVI-ǵa qarsy vaktsınatsııa jáne revaktsınatsııa taktıkasynyń keıbir máseleleri boıynsha egjeı-tegjeıli túsindirme berilgen.