60 uıym Sırııadaǵy tarıhı jádigerlerdi qalpyna keltirýge nıet tanytty
ASTANA. QazAqparat - Sırııanyń Palmıra qalasyndaǵy tarıhı eskertkishterdi qalpyna keltirýge álemniń 60 uıymy atsalysýǵa daıyn. Homs provıntsııasynyń gýbernatory Talal Ál-Barazı osyndaı málimdeme jasady.
ıÝNESKO álemdik muralar qataryna qosqan Sırııadaǵy 6 tarıhı nysannyń biri Palmıra 2015 jyldyń mamyrynan beri «Irak pen Levant lańkestik uıymynyń» baqylaýynda bolǵan edi. Alaıda úkimet áskeri men «Dala suńqarlarynyń» jaýyngerleri ótken jeksenbide qalany sodyrlar qolynan tolyqtaı azat etti. Qarýly qaqtyǵys kezinde tarıhı nysandar edáýir zardap shekken. Qazir olardy qalpyna keltirý úshin qansha shyǵyn ketetini eseptelip jatyr. Jergilikti bılik «qalany qalpyna keltirmes buryn aımaqty jarylǵysh zattardan tazartý kerek», - deıdi. Eger saperler óz jumysyn aıaqtasa, onda turǵyndar da kóp uzamaı úılerine oralady, dep jazady 24.kz.
