60 myńnan astam jer ýchaskesine ınjenerlik jeliler tartylýda
«Nurly jol» memlekettik baǵdarlamasy aıasynda 2015-2016 jyldary turǵyn úı qurylysyn yntalandyrýǵa Ulttyq qor qarjysynan respýblıkalyq bıýdjetke maqsatty transfertter men ulttyq holdıngterdiń oblıgatsııalyq zaımdary túrinde 539 mlrd teńge bólindi. Osy qarjy esebinen 1,2 mln sharshy metr aýdanda 19 200 páter salyndy, onyń ishinde 2015 jyly 10 900 páter, al 2016 jyly 8 300 páter tapsyryldy», - dedi vıtse-mınıstr Parlament Májilisindegi «Nur Otan» partııasy fraktsııasynyń janyndaǵy ınfraqurylymdy damytýdyń 2015-2019 jyldarǵa arnalǵan «Nurly jol» baǵdarlamasyn iske asyrýǵa Ulttyq qorynan bólinetin qarajattyń jáne bıýdjet qarjysyn maqsatty ári tıimdi jumsalýyna baqylaý júrgizý boıynsha komıssııanyń otyrysynda.
2017 jyldan bastap «Nurly jer» baǵdarlamasy qabyldanǵanyn eske salyp ótken R. Sklıar, bıylǵy 8 aıdyń qorytyndysy boıynsha elimizde 6,9 mln sharshy metr baspana salynǵanyn, bul kórsetkish ótken jylmen salystyrǵanda 8,4 paıyzǵa artyq ekenin jetkizdi.
«Turǵyn úı qurylysyna 500 mlrd teńgeden astam qarjy ınvestıtsııalandy. Baǵdarlamanyń jyldyq josparyna qaraǵanda, baspanany paıdalanýǵa berýdiń jalpy deńgeıi 68 paıyzdy qurady. Jalpy, jyldyq jospar 10,1 mln shashy metrdi qamtyp otyr. Búginde 60 700 baspana salynyp, onyń ishinde 18 300-i jeke turǵyn úıler jáne 42 400-i kóp qabatty úılerdegi páterler»,-dedi vıtse-mınıstr.
Onyń sózine qaraǵanda, jeke turǵyn úı qurylysyn damytý úshin ınjenerlik jelilerdi 60 myńnan astam jer ýchaskesine tartý jumystary júrip jatyr. Onyń ishinde erterekte berilgen 35 800 jer telimine jáne jańadan úlestirilgen 24 500 jer ýchaskesine qajetti jeli tartylýda. Pılottyq joba aıasynda 6 óńirde 1 975 úıdiń qurylysy biryńǵaı sáýlettik stılmen salynyp jatyr. Bıyl sonyń nátıjesinde 362 úıdi paıdalanýǵa berý josparlanyp otyr.
