60 myńǵa jýyq almatylyq Pfizer vaktsınasyn saldyrdy

ALMATY. QazAqparat – Almatyda bir táýlik ishinde 1 977 adam koronavırýsqa qarsy ekpe aldy. Onyń ishinde 1-komponentin 633 adam, 2-komponentin 1 344 adam saldyrdy. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

«Ótken jyldyń 1 aqpany men bıylǵy jyldyń 16 naýryzy aralyǵynda qalada 1 151 916 turǵyn vaktsınanyń birinshi komponentin, 1 116 121 adam ekinshi komponentin saldyrǵan. Onyń ishinde jasy 60-tan asqan adamdardyń sany 125 053», - delingen habarlamada.

Búgingi tańda Pfizer vaktsınasyn 59 544 adam saldyrdy. Onyń ishinde 3 388 júkti áıel, 13 065-i bala emizetin ana jáne 42 971 jasóspirim bar. 285 658 qala turǵyny revaktsınatsııadan ótti.

«Búgingi tańda qalada medıtsına mekemelerinde 137 vaktsınatsııa pýnkti jumys isteıdi. 175 vaktsınatsııa brıgadasynda 555 medıtsına qyzmetkeri jumyldyryldy» - dep atap ótti Almaty qalasy Qoǵamdyq densaýlyq basqarmasynyń baspasóz qyzmeti.