60 metrlik bıiktikten qulaǵan qazaqstandyq alpınıst qyz aýyr jaraqat aldy
ASTANA. QazAqparat - Birneshe kún buryn Óskemen qalasynyń 24 jastaǵy turǵyny Darıa Ponomareva alpınıstik joryqtar kezinde 60 metrlik bıiktikten qulap ketip, omyrtqasyn syndyryp alǵan.
Ony qutqarý jumystary 5 saǵatqa sozyldy. Taýly Altaı jeriniń aýrýhanasynda Darıanyń omyrtqa súıekteriniń synǵany anyqtaldy, qazir ol jansaqtaý bóliminde jatyr. Jaqyn arada qyz Novosibir qalasyna jetkizilmek. Dostary ony tasymaldaýǵa, ota jasatýǵa qajetti qarajatty jınaý úshin «VKontakte» jelisinde top qurǵan.
Alǵashqy otadan keıin Darıa aıaǵyn sezine alǵanymen, qozǵalta almaıdy. Oqys oqıǵaǵa ushyraǵanǵa deıin Darıa Ponomareva belsendi ómir súrgen, sportpen, alpınızmmen shuǵyldanǵan. Reseıde, Germanııada bilim alǵan. Qazan qalasynda jazǵy Ýnıversıadada erikti bolǵan ony novosibirlik «Koroche govorıa» gazeti aǵymdaǵy jyldyń mamyr aıynda «osy aıdyń eń jaqsy stýdenti» dep tanyǵan, dep jazady sports.kz.
