60 adamdy aldaǵan Qyzylorda turǵyny elden qashpaq boldy
Qyzylorda oblysynyń prokýratýrasynda alaıaqtyqpen kúres máselelerine arnalǵan vedomstvoaralyq keńes ótti. Oǵan 17 oblystyq memlekettik organdardyń jáne uıaly baılanys operatorlarynyń (Kcell, Beeline, Tele2) basshylary qatysty.
Málim bolǵandaı, bıylǵy jyldyń basynan beri óńirde alaıaqtyq faktileri 71% (52-den 89-ǵa deıin) artqan. Olardyń arasynda adamdardyń 6 mln teńgesin qaltasyna basqan qyzylordalyq turǵynǵa qatysty qylmystyq is bar. Ol 60-tan astam azamatty jumysqa ornalastyrýǵa ýáde berip, árqaısysynan 100 myń teńgeden 200 myń teńgege deıin aqsha alǵan.
«Jalpy keltirilgen zalal 6 mln teńgeni quraıdy. Ol elden ketýge áreket etý barysynda Shymkent qalasynyń áýejaıynda ustaldy», - delingen prokýratýra málimetinde.
Vedomstvoaralyq otyrys barysynda qazirgi zamanǵy tehnologııalar, atap aıtqanda, uıaly telefondar men ınternet arqyly jasalatyn qylmysqa qarsy kúres máseleleri talqylady.
Іs-shara qorytyndysy boıynsha ýákiletti organdarǵa, uıaly baılanys operatorlaryna jáne Ulttyq banktiń oblystyq fılıalyna turǵyndar arasynda alaıaqtyqtyń aldyn alý jumystaryn, onyń ishinde jańa formalary men túrlerine qatysty túsindirme jumystaryn júrgizý usynyldy.