6 jyl izdeýde júrgen Qazaqstan azamaty Mysyrdan tabyldy
TALDYQORǴAN. QazAqparat - Jalǵan aqparat berip, 6 jyl boı tasalaǵan kúdikti Mysyr elinen tabyldy. Almaty oblysynyń turǵyny 2012 jyly kisi ólimi boıynsha sot otyrysynda ótirik aıtyp, 3 adamdy aqtap qalýǵa tyrysqany úshin aıyptalýda, dep habarlaıdy QazAqparat tilshisi.
Shet el asyp, qashyp júrgen aýyl turǵynyn polıtsııa qyzmetkerleri halyqaralyq izdeýge jarııalaǵan bolatyn. Qazirgi tańda kúdikti Qazaqstanǵa jetkizildi.
«2012 jyldyń jazynda Raıymbek aýdanynda kisi ólimi boıynsha úsh adam kúdikti dep tanylyp, tergeýge alynady. Alǵashqy sot otyrysynda qashqyn jalǵan aqparat berip, kúdiktilerdiń qylmysqa qatysy joq ekenin aıtqan. Alaıda 3 azamattyń qylmysy dáleldenip, uzaq merzimge bas bostandyǵynan aıyryldy», - dep málimdedi Almaty oblystyq polıtsııa departamenti baspasóz qyzmeti.
Atalǵan vedomstvonyń aqparatyna sáıkes, tergeýshilerdi adastyryp, jalǵan aıǵaqtar usynǵan azamatqa QR QK 420-baby boıynsha aıyp taǵylyp otyr. Kúdikti qamaýǵa alynǵan.
