6 jyl buryn urlanǵan Pıkassonyń kartınasy Rýmynııadan tabyldy
ASTANA. QazAqparat - Pablo Pıkassonyń (1881-1973) alty jyl buryn, Rotterdamdaǵy «Kıýnsthal» kóremóner galereıasynan urlanǵan «Arlekına basy» kartınasy Rýmynııadan tabyldy, dep habarlaıdy Reuters.
Bul týraly jeksenbide Rýmynııa eliniń Uıymdasqan qylmyspen jáne terrorızmmen kúres basqarmasyynyń baspasóz qyzmeti málim etken.
«Prokýrorlar senbi kúni keshkilik Týlcha úıezinde tabylǵan quny €800 myń shamasyndaǵy Pıkassonyń kartınasynyń tabylýy oqıǵasyn tekserýde»,- delingen vedomostvonyń málimdemesinde.
Kartınany Nıderlandynyń eki azamaty tapqan. Senbi kúni olar bul qundy dúnıeni Býharestegi Gollandııa elshiligine jetkizgen. Qazirgi ýaqytta polotnonyń túpnusqalyǵyn anyqtaý jumystary júrip jatyr.
Kartınany 2012 jylǵy 16 qazanda ózge de ataqty sýretshilerdiń shyǵarmalarymen birge urlap ketken. Sarapshylardyń baǵalaýy boıynsha qoldy bolǵan týyndylardyń quny 200 mln eýroǵa jýyq.
