6 jeltoqsanda eldegi qaı joldarda shekteý bar
ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.
2025 jylǵy 6 jeltoqsan tańerteń birneshe óńirdegi respýblıkalyq mańyzy bar avtojoldarda kóliktiń barlyq túri úshin qozǵalys ashyldy:
Shyǵys Qazaqstan oblysy
• «Almaty — Taldyqorǵan — Óskemen — Shemonaıha — RF shekarasy» avtojolynyń 1104-1191-shaqyrym aralyǵyndaǵy ýchaskesi (Glýbokoe aýylynan Shemonaıha qalasyna deıin);
• «Óskemen — Rıdder — RF shekarasy» avtojolynyń 15-105-shaqyrymy aralyǵy (Beloýsovka aýylynan Rıdder qalasyna deıin);
• «Óskemen — Altaı — Úlken Naryn — Katonqaraǵaı — Rahman qaınary» avtojolynyń 6-166-shaqyrym aralyǵy (Ýshanovskoe aýylynan Altaı qalasyna deıin).
Pavlodar oblysy
• «QHR shekarasy — Maıqapshaǵaı — Zaısan aınalma joly — Qalbataý — Semeı — Pavlodar — RF shekarasy» avtojolynyń 427-587-shaqyrym aralyǵyndaǵy ýchaskesinde (Kenjekól aýylynan Abaı oblysynyń shekarasyna deıin).
Abaı oblysy
• «QHR shekarasy — Maıqapshaǵaı — Zaısan aınalma joly — Qalbataý — Semeı — Pavlodar — RF shekarasy» avtojolynyń 587-910-shaqyrym aralyǵynda (Pavlodar oblysyń shekarasynan Qalbataý aýylyna deıin).
Aqmola oblysy
• «Astana — Qaraǵandy — Almaty» avtojolynyń 30-92-shaqyrym aralyǵyndaǵy ýchaskesi (Jibek Joly aqy alý pýnktinen Qaraǵandy oblysynyń shekarasyna deıin).
Qaraǵandy oblysy
• «Astana — Qaraǵandy — Almaty» avtojolynyń 92-164-shaqyrym aralyǵyndaǵy ýchaskesi (Aqmola oblysynyń shekarasynan Temirtaý aqy alý pýnktine deıin).
Kólik qozǵalysy shekteýi
2025 jylǵy 5 jeltoqsan saǵat 21:00–de aýa raıynyń buzylýyna baılanysty «RF shekarasy — Martók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 1474-2000-shaqyrym aralyǵynda (Áıteke bı aýylynan Jańaqorǵan aýylyna deıin) barlyq kólik túriniń qozǵalysyna shekteý qoıyldy.
Sondaı-aq tórt óńirde buǵan deıin engizilgen shekteýler áli de kúshinde.
Aqmola oblysy
Respýblıkalyq mańyzy bar «KAZ02 Astana — Kókshetaý (aınalma jol) — Petropavl — RF shekarasy (Jańa Jol ótkizý pýnkti)» avtojolynyń 19-231-shaqyrym aralyǵynda kóliktiń barlyq túri úshin jyldamdyq shekteýi 140 shaq/saǵ-tan 110 shaq/saǵ-qa deıin tómendetildi. Bul shara aýa raıynyń buzylýyna, temperatýranyń tómendeýi, kóktaıǵaq, usaq qardyń jaýýyna baılanysty engizildi.
Soltústik Qazaqstan oblysy
«Tımırıazevo — Sarykól — oblys shekarasy» avtojolynyń 0-30-shaqyrymynda (Qostanaı oblysy shekarasy — Tımırıazevo aýyly) kóliktiń barlyq túri úshin shekteý bar.
Shyǵys Qazaqstan oblysy
Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde saqtalady.
Pavlodar oblysy
«Astana — Shiderti — Pavlodar — Ýspenka — RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi.
Eske salaıyq, buǵan deıin Tótenshe jaǵdaılar mınıstrligi elimizdiń soltústik jáne ortalyq oblystarynda qar jaýyp, boran soǵatynyn jáne tuman túsip, jeldiń jyldamdyǵy 15-20 m/s jetetinin habarlaǵan edi.