6 jeltoqsan kúni Qazaqstanda ótetin mańyzdy sharalar ańdatpasy
9.00-de Rixos Astana qonaq úıinde «Investment Aktobe - 2022» VII halyqaralyq ınvestıtsııalyq forýmy ótedi. Forýmǵa QR Úkimetiniń, ulttyq kompanııalardyń, qarjy ınstıtýttarynyń basshylary, transulttyq kompanııalardyń basshylary, iri sheteldik jáne otandyq ınvestorlar, shet memleketter óńirleriniń basshylary men sarapshylar qatysady.
10.00-de Úkimet úıinde kezekti Úkimet otyrysy ótedi. Kún tártibinde jekeshelendirýdiń 2021-2025 jyldarǵa arnalǵan keshendi josparyn oryndaý barysy jáne balyq salasyn damytý máseleleri qaralady.
10.00-de Astana Hub ǵımaratynda «Oqýshylardyń qabileti men daryndylyǵyn dıagnostıkalaý jáne damytý» atty I respýblıkalyq psıhologııalyq forým-semınary ótedi.
11.00-de Astana qalasynyń Dostyq úıinde Qazaqstan halqy Assambleıasy tóraǵasynyń orynbasary, Hatshylyq meńgerýshisi M.Ázilhanovtyń qatysýymen QHA respýblıkalyq Medıatsııa Keńesiniń otyrysy ótedi.
12.00-de Astanada E. Rahmadıev atyndaǵy Memlekettik akademııalyq fılarmonııada WorldSkills Kazakhstan 2022 VII respýblıkalyq kásibı sheberlik chempıonaty bastalady.
13.00-de Jaqsylyq Úshkempirov atyndaǵy jekpe-jek saraıynda Qazaqstan Qorǵanys mınıstriniń kýbogyna qoıan-qoltyq urystan respýblıkalyq týrnırdiń ashylý saltanaty ótedi.
15.00-de QR Ulttyq mýzeıinde Ahmet Baıtursynulynyń 150 jyldyq mereıtoıy aıasynda «Ulttyń uly ustazy» atty dóńgelek ústel men kitap kórmesi ótedi.
16.00-de «Qazmedıa ortalyǵy» kınokontsert zalynda jyl saıynǵy «Eńbek joly» respýblıkalyq konkýrsynyń jeńimpazdaryn marapattaý saltanaty ótedi.