6 jeltoqsan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
6 jeltoqsan. JEKSENBІ
Qazaqstan Respýblıkasynda prokýratýra organdarynyń qurylǵan kúni
1991 jyly 6 jeltoqsanda «Qazaq KSR prokýratýrasy organdarynyń biryńǵaı júıesin qurý, olardyń erkindigin jáne táýelsizdigin qamtamasyz etý týraly» qaýlysy qabyldanaǵan. Osyǵan oraı kúntizbede jańa mereke paıda boldy.
Fınlıandııa Respýblıkasynyń Ulttyq meıramy - Táýelsizdik kúni (1917).
Eń alǵash Fınlıandııa memleketiniń táýelsizdigin Keńes Úkimeti tanyǵan bolatyn. Sol kezden bastap, bul oqıǵa Fınlıandııa Respýblıkasynyń eń basty merekesi retinde atap ótiledi. Qazaqstan Respýblıkasy men Fınlıandııa arasyndaǵy dıplomatııalyq qarym-qatynas 1992 jylǵy mamyrdyń 13-inde ornatyldy.
ESTE QALAR OQIǴALAR
4 4 jyl buryn (1971) Qazaqstanda tuńǵysh ret Ǵylymı-tehnıkalyq aqparat ortalyǵy Almaty qalasynda quryldy.
2 4 jyl buryn (1991) Qazaq KSR Mınıstrler Kabınetiniń qaýlysymen V.I.Lenın atyndaǵy saraı Respýblıka saraıy bolyp ózgerdi.
1 6 jyl buryn (1999) Qazaqstan Prezıdenti N.Á.Nazarbaev Japonııaǵa resmı saparmen bardy. On bes ǵasyrdan beri japon eliniń bıik taǵyn muragerlikpen ıelenip, dástúrdi úzbeı jalǵastyryp kele jatqan ataqty áýlet múshesi - ımperator Akıhıto Qazaqstan basshysymen áńgime kezinde eki el arasyndaǵy baılanystardyń ıgi dástúrge aınalýyna tilektestik bildirdi. Sapardyń basty jetistigi - Japonııa tarapynan Qazaqstan ekonomıkasyn jandandyrýǵa nesıe kózderin anyqtap, ınvestıtsııa tartý boldy
1 2 jyl buryn (2003) QR Prezıdenti Nursultan Nazarbaev Almatyda shetel ınvestorlar keńesiniń otyrysyna qatysty. Onda ındýstrıaldy-ınnovatsııalyq baǵdarlamany 2015 jylǵa deıingi júzege asyrý jáne el ekonomıkasyn dıversıfıkatsııasy qaraldy.
1 1 jyl buryn (2004) Elbasy Nursultan Nazarbaev «Qazaqstan Respýblıkasynyń aýyldyq (selolyq) okrýgteri, aýyldary (selolary), kentteri ákimderiniń saılaýyn ótkizý týraly» Jarlyqqa qol qoıdy.
1 1 jyl buryn (2004) Petropavlda gýmanıtarlyq-tehnıkalyq kolledjde «Nur Otan» partııasy oblystyq fılıalynyń bastamasymen kóp balaly analardyń «Bebı» atty jańa qoǵamdyq uıymynyń ashylý saltanatty ótti. «Bebı» qoǵamdyq uıymy kópbalaly analar men olardyń balalaryna kómek kórsetý úshin qurylǵan. «Bebı» uıymynyń tóraıymy bolyp segiz balanyń anasy Svetlana Kırıakova taǵaıyndaldy.
8 jyl buryn (2007) Lev Gýmılev atyndaǵy Eýrazııa ulttyq ýnıversıtetiniń pedagogıkalyq fakýlteti ǵımaratynda Konfýtsıı ınstıtýtynyń saltanatty ashylý rásimi bolyp ótti.
Instıtýtty ashýdaǵy kózdelgen maqsat jastardy qytaı tili men mádenıetine oqytý jáne qytaı tili mamandaryn daıarlaý jumysyn kásibı turǵyda uıymdastyrý bolyp tabylady.
6 jyl buryn (2009) Almatyda Ókitaı Ahmetov pen Jomart Igimannyń «Muhametjan Tynyshbaev» dep atalatyn derekti, pýblıtsıstıkalyq kitabynyń tanystyrylymy bolyp ótti. Muhamedjan Tynyshbaev (1879-1938) - Alash qozǵalysynyń kórnekti qaıratkeri, tarıhshy-ǵalym, qazaqtan shyqqan tuńǵysh temir jol ınjeneri. Túrkistan avtonomııasy Ýaqytsha úkimetiniń tóraǵasy bolǵan. Alash qozǵalysy qaıratkerlerimen birge qazaq eliniń derbestigin qalpyna keltirýge, eldiń amandyǵyn saqtaýǵa kúsh salady. Túrkistan-Sibir temir joly qurylysynda eńbek etti. Keńestik bıliktiń qýǵyn-súrginine ushyrap, Túrksibti salyp jatqan kezinde tutqynǵa alynyp, «tap jaýy», «býrjýazııashyl-ultshyl» degen aıyptar taǵylady. Keıingi jyldary da únemi baqylaýda bolǵan ol, aqyrynda keńestik saıası qýǵyn-súrginniń qurbany boldy. Almaty qalasyndaǵy Qazaq kólik jáne kommýnıkatsııa akademııasyna, kóshege, Almaty oblysy Sarqant aýdanynyń bir aýylyna Tynyshbaev esimi berildi.
Basylymda M.Tynyshbaevtyń ómirbaıany, keıbir shyǵarmalary, urpaqtary men onyń shyǵarmashylyǵyn zertteýshilerdiń sýretteri berilgen.
6 jyl buryn (2009) Ońtústik Qazaqstanda «Arys-2» temirjol vokzaly ashyldy.
5 jyl buryn (2010) QR Qarjy mınıstrligi kedendik baqylaý komıteti men Reseı federaldyq keden qyzmeti arasynda taýar deklaratsııasynyń aqparattyq aýysymy tanystyryldy.
5 jyl buryn (2010) Astanada «Kútpegen mahabbat» lırıkalyq komedııasynyń premerasy boldy. Premeraǵa Memleket basshysy Nursultan Nazarbaev jáne basty róldi somdaǵan frantsýz kınoakteri Jerar Deparde qatysty.
4 jyl buryn (2011) Qazaqstan ǵalymdary «Nursultan Ábishuly Nazarbaev» atty bestomdyq bıobıblıografııalyq kórsetkishti basyp shyǵardy.
4 jyl buryn (2011) QR Mádenıet mınnıstrligi «Mádenı mura» aqparattyq portalyn iske qosty.
4 jyl buryn (2011) Almatyda QR Ortalyq memlekettik murajaıynda «Qazaqstan shaqalarynyń shejiresi» kórmesi ashyldy.
3 jyl buryn (2012) Qazaqstannyń tanymal memlekettik qaıratkeri, BUU Bas hatshysynyń orynbasary - BUU-nyń Jenevadaǵy bóliminiń bas dırektory Qasym-Jomart Toqaev S.N.Rerıh medalimen jáne «Álem Týy» estelik belgisimen marapattaldy. Marapattar Jenevada Rerıhter murasyn saqtaý boıynsha komıteti jáne Máskeýdegi Rerıhter Halyqaralyq ortalyǵy delegatsııasynyń sapary barysynda tabystaldy.
3 jyl buryn (2012) Aqordada ótken. Keńeste QR Prezıdenti Nursultan Nazarbaev týrızmdi damytý úshin EHRO-2017 kórmesin paıdalaný boıynsha Úkimetke birqatar tapsyrma júktedi.
Prezıdent Astanadan radıýsy 30-50 shaqyrym jerde eko-qalashyqtar salýdy tapsyrdy.
3 jyl buryn (2012) QR Prezıdenti N.Nazarbaevtyń Frantsııaǵa jumys saparynyń qorytyndysymen Prezıdent telekesheni «Parıjdi kórdi jáne ...jeńdi!» derekti fılmin shyǵardy.
24 7 jyl buryn (1768) Shotlandııada álemge áıgili Brıtandyq entsıklopedııanyń («Brıtanıka») alǵashqy basylymy jaryq kórdi.
ESІMDER
13 2 jyl buryn (1883-1912) qoǵam qaıratkeri, pýblıtsıst BEKMETOV Muhammed-Maqsut Hamıdollauly dúnıege keldi.
Ol Qarqaraly men Ombyda bilim aldy. 1900 jyldan bastap Omby poshta-telegraf keńsesiniń qyzmetkeri boldy. Elin azattyqqa shaqyrǵan is-áreketi úshin 1906 jyly tutqynǵa alynyp, Qazan qalasyna jer aýdaryldy. Osy kezden ómiriniń sońyna deıin polıtsııanyń baqylaýynda turdy. Saıası-áleýmettik, mádenı-tanymdyq mazmundaǵy maqalalar jazyp, qazaq jáne orys baspasózine belsene aralasty. Ekinshi ret tutqyndalyp, Orynborǵa jer aýdaryldy. 1909 jyly Sankt-Peterbordan shyǵatyn «Rech» gazetinde Semeı túrmesinde azap shekken A.Baıtursynulyna bostandyq berilýin talap etken maqalasy basyldy. Sol jyly Qazan qalasynda «Qazaq óleńderi» atty jınaǵy jaryq kórdi.
9 5 jyl buryn (1920-1945) Keńes Odaǵynyń Batyry ShELEHOV Nıkolaı Stepanovıch dúnıege keldi.
Shyǵys Qazaqstan oblysy Glýbokoe aýdanynda týǵan.
Uly Otan soǵysyna qatysqan. 1939 jyly Keńes armııasy qataryna alynyp, 1941 jylǵy maýsymda maıdanǵa attanǵan. 1944 jyly kishi leıtenanttar kýrsyn bitirgen. Ol Berlın úshin bolǵan shaıqasta eren erlik kórsetti. Qatarynda Shelehov bolǵan rota qala mańynda bolǵan urys barysynda jaýdyń 15 shabýylyna tótep bergen. Osy soǵys barysynda aýyr jaralanyp, qaıtys boldy. Berlın qalasynda jerlengen. Batyrǵa týǵan aýylynda eskertkish ornatylǵan.
Lenın, 1-, 2-shi dárejeli Otan soǵysy, Qyzyl Tý, Qyzyl Juldyz ordenderimen, medaldarmen marapattalǵan.
8 7 jyl buryn (1928) fılologııa ǵylymynyń doktory NAQYSBEKOV Oqas dúnıege keldi.
Almaty oblysynyń Eńbekshiqazaq aýdanynda týǵan. Túrgen pedagogıkalyq ýchılışesin, Qazaq pedagogıkalyq ınstıtýtyn, Qazaqstan Ǵylym akademııasy Til bilimi ınstıtýtynyń aspırantýrasyn bitirgen. 1945 jyly Shelek aýdanynda bastaýysh mekteptiń muǵalimi bolyp eńbek jolyn bastady. 1951 jyldan Qazaqstan Ǵylym akademııasy Til bilimi ınstıtýtynyń kishi, aǵa, jetekshi, bas ǵylymı qyzmetkeri boldy. Kóptegen dıalektologııalyq ekspedıtsııalarǵa qatysyp, Qazaqstannyń oblystaryn aralady. Ózbekstan, Túrikmenstan, Tájikstan, Qyrǵyzstan, Qaraqalpaqstan elderindegi jáne Reseıdiń Volgograd, Astrahan, Orynbor, Omby oblystaryndaǵy, Monǵolııanyń Baıan Ólgıı ólkesindegi qazaqtardyń tilin zerttep, qazaq aýyz ádebıetine baılanysty materıal jınady. Sonymen birge, birneshe arnaýly sózdikter qurastyrýǵa qatysyp, «Qazaq tiliniń dıalektologııalyq atlasy» men «Túrki tilderiniń dıalektologııalyq atlasyn» jáne «Eýropanyń lıngvıstıkalyq atlasyn» jasady.
7 6 jyl buryn (1939) Qazaqstannyń halyq jazýshysy, Áleýmettik Ǵylymdar Akademııasynyń akademıgi, Qazaqstannyń Eńbek Eri KEKІLBAEV Ábish dúnıege keldi. Atyraý oblysynda týǵan.
S.M.Kırov atyndaǵy Qazaq memlekettik ýnıversıtetin (Ál-Farabı atyndaǵy Qazaq ulttyq ýnıversıteti) bitirgen. Qazaq KSR Mádenıet mınıstriniń orynbasary, Jazýshylar odaǵy basqarmasynyń ekinshi hatshysy, Qazaqstan Kommýnıstik partııasy Ortalyq Komıteti bóliminiń meńgerýshisi, Qazaq KSR Prezıdenti Apparatynyń mádenıet jáne ultaralyq qatynastar referantýrasynyń basshysy, «Egemen Qazaqstan» gazetiniń bas redaktory qyzmetterin atqarǵan. 1994-1996 jyldary - Qazaqstan Respýblıkasy Joǵarǵy Keńesi 13-shaqyrylymynyń tóraǵasy, Qazaqstan Respýblıkasy Prezıdentiniń memlekettik keńesshisi. 1996-2002 jyldary - Qazaqstan Respýblıkasynyń memlekettik hatshysy, Qazaqstan Respýblıkasy Prezıdentiniń keńesshisi. 2002-2007 jyldary - Qazaqstan Respýblıkasy Parlamenti Senaty depýtaty, «Asar» partııasy parlamenttik fraktsııasynyń múshesi. 2007 -2010 jyldary - Qazaqstan Respýblıkasy Parlamenti Senatynyń depýtaty - Halyqaralyq qatynastar, qorǵanys jáne qaýipsizdik jónindegi komıtetiniń múshesi. Qazaqstan Respýblıkasy Joǵarǵy Keńesi 12- jáne 13-shaqyrylymynyń depýtaty - Qazaqstan Respýblıkasy Joǵarǵy Keńesi ulttyq saıasat, mádenıet jáne tildi damytý komıtetiniń tóraǵasy. Qazaqstan Respýblıkasy Parlamenti Májilisi 1-shaqyrylymynyń depýtaty - Qazaqstan Respýblıkasy Parlamenti Májilisi halyqaralyq ister, qorǵanys jáne qaýipsizdik komıtetiniń tóraǵasy. «Qazaqstan Respýblıkasynyń Tuńǵysh Prezıdenti Nursultan Nazarbaev», «Qurmet belgisi», «Otan» ordenderimen, «Qazaqstan Respýblıkasynyń Táýelsizdigine 10-jyl» medalimen marapattalǵan. Abaı atyndaǵy Qazaqstan Memlekettik syılyǵynyń ıegeri. Ál-Farabı atyndaǵy Qazaq ulttyq ýnıversıtetiniń, L.N.Gýmılev atyndaǵy Evrazııalyq memlekettik ýnıversıtetiniń qurmetti professory.
5 5 jyl buryn (1960) QR Prezıdenti Ákimshiligi Memlekettik baqylaý jáne uıymdastyrý-aýmaqtyq jumystar bóliminiń memlekettik ınspektory AMANǴALIEV Serik Qaleshuly dúnıege keldi.
Gýrev oblysynda týǵan. A.S. Pýshkın atyndaǵy Oral pedagogıkalyq ınstıtýtyn bitirgen, tarıhshy.
1983 jyldan - O.Shonaev atyndaǵy orta mektepte tarıh pániniń muǵalimi, dırektordyń oqý-tárbıe jumystary jónindegi orynbasary, dırektory. 1995 jyldan - Atyraý oblysy Mahambet aýdandyq bilim bóliminiń meńgerýshisi. 2002 jyldan - Atyraý qalalyq bilim bóliminiń bastyǵy. 2007 jyldan - Atyraý oblystyq bilim departamentiniń dırektory. 2008 jylǵy aqpannan - Atyraý oblysy Qurmaǵnǵazy aýdanynyń ákimi. 2008 jylǵy jeltoqsannan - Atyraý oblysy ákiminiń orynbasary. Qazirgi qyzmetinde - 2011 jylǵy mamyr aıynan beri.
«Qurmet» (2008) ordenimen, «Qazaqstan Respýblıkasynyń táýelsizdigine 10 jyl» (2002), «Astananyń 10 jyldyǵy» (2008), Y.Altynsaryın atyndaǵy medaldarmen marapattalǵan. QR Bilim berý isiniń úzdigi.
4 8 jyl buryn (1967) Abaı atyndaǵy Qazaq memlekettik akademııalyq opera jáne balet teatrynyń ánshisi DÁÝІRBAEVA Gúlzat Beısenqyzy dúnıege keldi.
Bernd Vaıkel atyndaǵy halyqaralyq ánshiler baıqaýynyń (2002 jyly) jáne Astana qalasyndy ótken Kúlásh Baıseıitova atyndaǵy ánshilerdiń respýblıkalyq konkýrsynyń (2002 jyly) laýreaty. 1985 jyly Almatydaǵy Opera jáne balet teatry janyndaǵy vokaldyq hor stýdııasyna oqýǵa túsken. 1985 - 1993 jyldary osy teatrda hor artısi boldy. 1993 - 2000 jyldary Qurmanǵazy atyndaǵy konservatorııanyń án fakýltetin bitirdi. 2001 jyldan Almatydaǵy Abaı atyndaǵy memlekettik akademııasynyń opera jáne balet teatrynyń ánshisi.
Verdıdiń «Rekvıeminen» soprano partııasyn, «Toskasyndaǵy» Toska, «Bogemada» Mımı, Chaıkovskııdiń «Evgenıı Onegın» operasynda Tatıana, «Qarǵanyń mátkesinde» Lıza, «Iolantada» basty partııa, Tólebaevtyń «Birjan - Sarasynda» Sara, Brýsılovskııdiń «Er Tarǵynynda» Aqjúnis, Ǵ.Jubanovanyń «Qurmanǵazy» operasynda Áýes, B.Jumanııazovtyń «Mahambetinde» Zylıha partııalaryn oryndap júr. Gastroldik saparmen Italııa, Vengrııa, Reseı q-larynda óner kórsetti. Máskeýdiń Úlken teatrynyń shaqyrýymen «Evgenıı Onegın» operasyndaǵy Tatıana partııasyn oryndady (2003 jyly).
«Qazaqstan Respýblıkasynyń táýelsizdigine 10 jyl» (2001) medalimen marapattalǵan. Sh.Qaldaıaqov halyqaralyq konkýrstyń, B.Vaıkl atyndaǵy halyqaralyq ánshiler konkýrsynyń, K.Baıseıitova atyndaǵy ánshilerdiń respýblıkalyq konkýrsynyń laýreaty.
4 6 jyl buryn (1969) QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń qyzmetin qamtamasyz etý bóliminiń meńgerýshisi ÓTEBAEVA Zere Oryntaıqyzy dúnıege keldi.
Qazaqstanda týǵan. Máskeý ekonomıka jáne quqyq ınstıtýtyn, Reseı ǵylym akademııasynyń áleýmettik-saıası zertteýler ınstıtýtynyń aspırantýrasyn bitirgen, zańger.
1999-2001 jyldary - QR Aýyl sharýashylyǵy mınıstrliginde jetekshi maman, bas maman, quqyqtyq jáne uıymdastyrý jumystary departamentiniń bólim bastyǵy. 2001-2008 jyldary - QR Parlamenti Májilisinnde komıtettermen jumys bóliminiń konsýltanty, Halyqaralyq ister, qorǵanys jáne qaýipsizdik komıteti hatshylyǵynyń konsýltanty, Halyqaralyq ister, qorǵanys jáne qaýipsizdik komıeti qyzmetin qamtamasyz etý bóliminde zańnama bóliminiń bas konsýltanty, bas konsýltant, bólim meńgerýshisiniń orynbasary. Qazirgi qyzmetinde - 2008 jylǵy qańtardan beri.
«Qurmet belgisi» (1991), «Otan» (1999), «Qazaqstan Respýblıkasynyń Tuńǵysh Prezıdenti N.Nazarbaev» (2004) ordenderimen, «Qazaqstan Respýblıkasynyń táýelsizdigine 10 jyl», «Qazaqstan Parlamentine 10 jyl», «Astananyń 10 jyldyǵy» medaldarymen marapattalǵan.
4 5 jyl buryn (1970) «QazMunaıGaz» marketıngi jáne óńdeý» AQ bas dırektory TIESOV Danııar Súıinshilikuly dúnıege keldi.
Tselınograd (qazirgi Astana) qalasynda týǵan. Atyraý munaı jáne gaz ınstıtýty, Shyǵys Qazaqstan memlekettik ýnıversıtetin bitirgen.
1994-1996 jyldary - «Manas» kishi kásipornynyń menedjeri. 1996-1998 jyldary - «Bata» JShS-niń menedjeri. V 1998-1999 goldy - «Abyz» JShS-niń atqarýshy dırektory, «Atyraý munaı óńdeý zaýyty» AAQ Vıtse-prezıdentiniń birinshi kómekshisi, Dırektorlar keńesiniń hatshysy. 1999-2002 jyldary - «Qazaqoıl» Ulttyq munaı kompanııasy» Atyraý munaı óńdeý zaýyty Basqarý departamentiniń sektor meńgerýshisi, bas mamany, bas menedjeri, bas menedjeriniń orynbasary. 2002-2003 jyldary - «QazMunaıGaz»UK» JAQ Munaı-hımııa damytý departamenti dırektorynyń orynbasary. 2003-2004 jyldary - «Atyraý munaı óńdeý zaýyty» JShS salynyp jatqan kásiporyn Dırektsııasynyń qarjylyq dırektory, dırektory. 2004-2006 jyldary - «Atyraý munaı óńdeý zaýyty» JShS kúrdeli qurylys basqarmasynyń bastyǵy. 2006-2009 jyldary - «QazMunaıGaz» Saýda úıi» AQ bas dırektory orynbasary. 2012-2013 jyldary - «QazMunaGaz» UK» AQ basqarma tóraǵasynyń munaı óńdeý jáne munaı hımııasy boıynsha orynbasary. 2013 jylǵy tamyzdan bastap - qazirgi qyzmetinde. «QazMunaıGaz» qaıta óńdeý jáne marketıng», «KPI» aktsıonerlik qoǵamy Dırektorlar keńesiniń tóraǵasy jáne «Rompetrol» Dırektorlar keńesiniń múshesi.
«QazMunaıGaz» aktsıonerlik qoǵamynyń Qurmet belgisimen jáne qurmet gramotasymen marapattalǵan.
40 jyl buryn (1975) Batys Qazaqstan oblysy ákiminiń orynbasary BADAShEV Almas Beketuly dúnıege keldi.
Eńbek jáne áleýmettik qatynastar akademııasyn jáne Batys Qazaqstan agrotehnıkalyq ýnıversıtetin bitirgen. Mamandyǵy ekonomıst, ınjener.
Eńbek jolyn 1996 jyly Oral qalasy ákimi apparatynyń turǵyn úı járdemaqy bóliminiń bas mamany bolyp bastady. 1997-1998 jyldary túrǵyn úı jáne turǵyn úı járdemaqysy basqarmasy. 1998-1999 jyldary BQO turǵyn úı, sáýlet jáne aýmaqtyq qurylys basqarmasynyń jetekshi mamany. 1999-2000 jyldary BQO sáýlet-qurylys ınspektsııasynyń jetekshi mamany. 2000-2005 jyldary BQO sáýlet-qurylys ınspektsııasy dırektorynyń orynbasary, «Qurylys-Konsaltıng» UO» AAQ BQO fılıaly dırektorynyń orynbasary. 2005-2008 jyldary «Al-stroı» JShS-niń dırektory. 2008 jyly Jaıyq-Kaspıı ekololgııa departamenti bastyǵynyń orynbasary - BQO boıynsha ekologııa jónindegi bas memlekettik ınspektory mindetin atqarýshy. 2008-2009 jyldary Jaıyq-Kaspıı ekololgııa departamenti bastyǵynyń orynbasary - BQO boıynsha ekologııa jónindegi bas memlekettik ınspektory. 2009-2010 jyldary BQO energetıka jáne kommýnaldyq sharýashylyq basqarmasy bastyǵynyń orynbasary. 2010-2011 jyldary BQO energetıka jáne kommýnaldyq sharýashylyq basqarmasynyń memlekettik satyp alý bóliminiń bastyǵy. 2011-2012 jyldary BQO energetıka jáne kommýnaldyq sharýashylyq basqarmasynyń bastyǵy. 2012 jyldan osy kezge deıin BQO energetıka jáne turǵyn úı- kommýnaldyq sharýashylyq basqarmasynyń bastyǵy. 27.08.2012 j. - oblys ákiminiń orynbasary bolyp taǵaıyndaldy.
3 2 jyl buryn (1983) «Báıterek ulttyq basqarýshy holdıngi» AQ basqarma múshesi - basqarýshy dırektory TÓLEÝShIN Qanysh Amanbaıuly dúnıege keldi.
2006 jyly Oksford Brýks ýnıversıtetin aıaqtady, Oksford, Ulybrıtanııa. Magıstratýra. 2004 jyly Eýrazııa Ulttyq ýnıversıtetin qarjy jáne kredıt mamandyǵy boıynsha bitirdi. Eńbek jolyn 2003 jyly kommertsııalyq qurylymdarda bastady.
2004-2005 jyldar aralyǵynda - «Temirbank» AQ, Býhgalter-operatsıonıst, Esep aıyrysý-kassa bóliminiń bastyǵy. 2006 jyly - «Ulttyq ǵylymı-tehnıkalyq aqparat ortalyǵy» AQ, Keńesshi. 2006-2007 jyldar aralyǵynda - "Saýda saıasatyn damytý ortalyǵy" AQ, Bas sarapshy. 2007 jyly - QR Indýstrııa jáne saýda mınıstrligi, Innovatsııalyq saıasat basqarmasynyń bastyǵy. Qazaqstan Respýblıkasy Prezıdentiniń janyndaǵy memlekettik basqarý akademııasy, Memlekettik qyzmetshilerdiń biliktilikterin arttyrý boıynsha semınarlarda sabaq berdi. 2008-2011 jyldar aralyǵynda - Qazaqstan Respýblıkasy Prezıdentiniń Ákimshiligi, keńesshi, sektor meńgerýshisi, áleýmettik-ekonomıkalyq monıtorıng bóliminiń meńgerýshisi. 2011 jyly tamyz aıynda - Qazaqstan Respýblıkasy Indýstrııa jáne jańa tehnologııalar vıtse-mınıstri qyzmetine taǵaıyndaldy.
10 5 jyl buryn (1910-2000) ıtalıan sýretshisi-fýtýrıst, aerokeskindeme negizin salýshylardyń biri Týllıo KRALI dúnıege keldi.
10 2 jyl buryn (1913-2002) keńestik hırýrg-kardıolog, orys jazýshysy, akademık AMOSOV Nıkolaı Mıhaılovıch dúnıege keldi.