6 jasqa tolǵan bala esh kedergisiz mektepke qabyldanatyn bolady - QR BǴM
ASTANA. QazAqparat - 6 jasqa tolǵan bala esh kedergisiz mektepke qabyldanatyn bolady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bilim jáne ǵylym vıtse-mınıstri Tahır Balyqbaev aıtty.
«Bizde mektepke alǵash baratyn balalardyń jasy 6-7 jas dep berilgen. Sol sebepti birinshi synypqa qabyldanǵanda túrli túsiniksiz jaǵdaı týyndap jatady. Sondyqtan qazir zańǵa naqty 6 jasqa tolǵan balanyń mektepke barýyna bolady degen ereje jańadan engizilip jatyr», - dedi T.Balyqbaev. Aıta keteıik, búgin Úkimet otyrysynda «Qazaqstan Respýblıkasynyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly» zań jobasy talqylanǵan bolatyn.
