6 jasqa deıingi balalar 100 paıyzǵa jýyq polıomıelıtke qarsy egildi - Densaýlyq saqtaý mınıstri
ASTANA. Qyrkúıektiń 16-sy. QazAqparat /Marlan Jıembaı/ - Búgin elordada bastalǵan Túrki álemi pedıatrlarynyń 10-shy halyqaralyq kongresi aıasynda BAQ ókilderine suhbat bergen QR Densaýlyq saqtaý mınıstri Jaqsylyq Dosqalıev polıomıelıtke qarsy ekpeden keıin balalarda keri reaktsııanyń baıqalmaǵanyn málim etti.
Birde-bir balada polıomılıetke qarsy ekpe júrgizilgennen keıin qandaıda bir keri áserdiń bolmaǵanyn resmı jarııa etken Densaýlyq saqtaý mınıstri jappaı ekpe jasaý barysyna túsinistikpen qaraǵan qazaqstandyqtarǵa sheksiz alǵysyn jetkizdi.
«Biz qysqa ýaqyt ishinde ǵana balalarymyzǵa 100 paıyzǵa jýyq polıomıelıtke qarsy ekpe jasadyq. Keıbir balalardyń aǵzasyna jaqpaı qalý derekteri kezdesti, alaıda olarǵa jyl sońyna deıin ekpe jasalatyn bolady», dedi J.Dosqalıev.
