6 jasar búldirshin balabaqshaǵa ... tapansha alyp kelgen
ASTANA. 20 sáýir. QazAqparat. - Hıýston balabaqshasynda bolǵan atystyń saldarynan úsh bala jaraqat aldy. Balabaqshanyń ashanasynda bolǵan bul qaıǵyly oqıǵaǵa 6 jasar tárbıelenýshi kináli bolǵan, dep habarlaıdy «Maıak» radıosy.
Kelip túsken aqparattar boıynsha, 6 jasar ul bala tapanshany dostaryna kórsetý úshin úıinen alyp kelgen.
Oqtaýly bolǵan qarýdyń saqtandyrǵyshy da qosylmaǵan bolyp shyqty. Nátıjesinde álgi balanyń «oıyny osylyp», 6 jasar eki ul bala, onyń bireýi ózi jáne 5 jasar qyz bala jaraqat alady.
Balalar aýrýhanaǵa jetkizilgen. Qazir polıtsııa tekserý júrgizip jatyr. Eger qarý balanyń ata-anasyniki bolsa, olar jaýapqa tartylýy múmkin.
