6 jasar balasyna Gelandewagen tizginin bergen almatylyq jazalandy
ALMATY. QazAqparat – Almatyda 6 jasar balasyna Mersedes Gelandewagen tizginin bergen er adam ákimshilik jazaǵa tartyldy, dep habarlaıdy QazAqparat tilshisi.
Bul quqyqbuzýshylyq áleýmettik jelide jarııalanǵan bolatyn. Kóp uzamaı bul vıdeo tanymal akkaýnttarda taralyp ketti.
Vıdeoda 6 jasar ul bala Mersedes Gelandewagen róline jaıǵasyp kólikti júrgizip ketken.
«Bala kólikti oqytý polıgonynda aıdaǵan bolýy múmkin. Biraq, solaı bolǵan kúnniń ózinde bul bala úshin óte qaýipti. Ákesi ony túsinýi kerek bolatyn. Sondyqtan ákesine qatysty QR ÁqbK 612-babynyń 5-bólimimen (júrgizýge quqyǵy joq tulǵaǵa kólik rólin berý) ákimshilik is qozǵaldy», - dedi qalalyq PD basshysynyń birinshi orynbasary Nurlan Almasbekov.
Polıtsııa kólik júrgizýshilerine jol qaýipsizdigi maqsatynda jol erejelerin qatań saqtaýdy eskertti.
