6 jasar almatylyqtyń jumbaq ólimi: sot sot-medıtsınalyq sarapshyny aqtaýdan bas tartty
ALMATY. QazAqparat – Almaty qalalyq sotynyń sot kollegııasy qylmystyq is júrgizý zańynyń eleýli buzylýyna baılanysty 6 jasar almatylyq Elızaveta Pylaevanyń jumbaq ólimi boıynsha iske qatysqan sot-medıtsınalyq sarapshyny aqtaýdan bas tartty, dep habarlaıdy QazAqparat tilshisi.
Tergeýshi jasaǵan is-áreketti saralaý týraly qaýlyda jáne aıyptaý aktisinde sot-medıtsınalyq sarapshy J. Metelev Jylqaıdarovtyń ólimi faktisi boıynsha jáne E. Pylaevanyń ólimi boıynsha asa aýyr qylmys týraly is boıynsha kýáger retinde kórineý jalǵan aıǵaqtar berýde QR QK-niń 420-babynyń 1-2 bólikteri boıynsha kúdikti dep tanylǵan.
«Alaıda Metelevti jáne onyń isin sotqa tapsyrar kezinde qaýlyda QK-niń 420-babynyń 2-bóligi boıynsha ǵana aıyptaý kórsetken. Zań boıynsha mundaı aıyptaýshy taraptyń is júrgizý aktileriniń saı kelmeýi sot júrgizýge kedergi keltiredi. Sot qylmystyq qýdalaý organy emes jáne prokýrordyń ornyna usynylatyn aıyptardy óz betinshe anyqtaýǵa quqyǵy joq, - dep málimdedi Almaty memlekettik sotynyń baspasóz qyzmeti.
Іs prokýrorǵa aıyp taǵý jáne zań talaptaryna sáıkes sotqa berý úshin qaıtaryldy.
Eske sala keteıik, Elızaveta Pylaeva 2019 jyldyń 12 mamyry kúni belgisiz jaǵdaıda qaıtys boldy. Polıtsııa tergeýshilerdiń «Óltirý» qylmystyq baby boıynsha isti zerttep bastaǵanyn habarlady.
Elaman Turysbekov
