6 jańa tabıǵat qorǵaý mekemesi qurylady – Ekologııa mınıstrligi
ASTANA. KAZINFORM – Elimizdiń bıoalýantúrliligin saqtaý úshin 6 jańa tabıǵat qorǵaý mekemesi qurylmaq. Bul jaıynda Ekologııa jáne tabıǵı resýrstar mınıstrliginen málim etti.
- Bıoalýantúrlilikti saqtaý jáne onyń quramdastaryn ornyqty paıdalaný jónindegi qyzmetti yntalandyrý úshin jaǵdaılar men sharalar jasaý, sondaı-aq Qazaqstannyń halyqaralyq ekologııalyq uıymdarǵa músheligi aıasyndaǵy mindettemelerin eskere otyryp, eldegi genetıkalyq resýrstardy paıdalanýdan túsken paıdany ádil jáne teń quqyly bólý maqsatynda Qazaqstan Respýblıkasynda bıoalýantúrlilikti saqtaý jáne ornyqty paıdalaný jónindegi 2025-2035 jyldarǵa arnalǵan tujyrymdama jobasy ázirlenip jatyr, - dedi mınıstrlikten agenttik saýalyna oraı.
Mınıstrlik bul tujyrymdama elimizde bıoalýantúrlilikti saqtaý jáne ornyqty paıdalanýǵa baǵyttalǵan 2025-2035 jyldarǵa arnalǵan jospar sanalatyndyǵyn atap ótedi.
- Tujyrymdama jobasynda Qyzyl kitapqa engen janýarlar men ósimdikter túrlerin saqtaý, ósimin molaıtý maqsatynda erekshe qorǵalatyn tabıǵı aýmaqtar aýdanyn el aýmaǵynyń 12,5 paıyzyna deıin jetkizý josparlanǵan. Bul 6 jańa tabıǵat qorǵaý mekemesin qurýdy jáne 3 mekemeniń – Ústirt qoryǵy, Aqjaıyq jáne Kaspıı ıtbalyǵyn saqtaý rezervattarynyń aýmaqtaryn keńeıtýdi kózdeıdi, - dedi vedomstvodan.
Buǵan deıin elimizde sırek kezdesetin janýarlardyń biryńǵaı derekter bazasy qurylǵanyn jazǵan edik.