6 tonna dızeldik otyndy Reseıge zańsyz áketpek bolǵan azamat ustaldy

ASTANA. QazAqparat - Qazaqstan-Reseı shekarasynda qazaqstandyq azamat 6 tonna dızeldik otynmen ustaldy, dep habarlaıdy QazAqparat QR UQK Shekara qyzmetiniń baspasóz qyzmetine silteme jasap.

Quzyrly vedomstvonyń baspasóz qyzmetiniń habarlaýynsha, atalǵan jaǵdaı Pavlodar oblysyndaǵy shekaralyq otrıadtyń «Naıza avto» ótkizý pýnktinde tirkelip otyr.

«Kezekshi narıad 6 tonna dızeldik otyndy «Reno» kóligine tıep alyp, Reseı Federatsııasyna ketip bara jatqan 38 jastaǵy Qazaqstan azamatyn ustady. Ustalǵan azamattyń taýarlyq túbirtegi júktiń naqty salmaǵyna sáıkes kelmeıdi. ıAǵnı, túbirtekte 3950 lıtr dep kórsetilgen», - delingen habarlamada.

Atalǵan oqıǵa boıynsha Pavlodar qalasynyń quqyq qorǵaý qyzmeti men tártip saqshylarymen birlese jumys atqaratyn organdarǵa habar berildi.