6 tamyz: Týǵan kún ıeleri
ESІMDER
70 jyl buryn (1948-2017) kınotanýshy, kıno tarıhshysy, kıno synshy, pedagog, professor, Qazaqstannyń eńbek sińirgen qaıratkeri NÓGERBEK Baýyrjan Ramazanuly dúnıege keldi.
Ulytaý óńirinde týǵan, Máskeýde, VGIK-tiń stsenarlyq-kınotanýshylyq fakýltetiniń kınotaný bólimin támámdaǵan (1971).
Mýltıplıkatsııa birlestiginiń bas redaktory, «Qazaqfılm» kınostýdııasynda stsenarlyq redaktsııa alqasynyń múshesi (1971-1981), Qazaqstan kınematografıster odaǵynyń hatshysy (1981-1985), M.O.Áýezov atyndaǵy Ádebıet jáne óner ınstıtýty, teatr jáne kıno bóliminiń aǵa ǵylymı qyzmetkeri (1985-1999), T. Júrgenov atyndaǵy «Teatr jáne kıno» ınstıtýtynyń prorektory (1993-1994), Mádenıet, aqparat jáne qoǵamdyq kelisim mınıstrligi, Mádenıet komıteti, teatr óneri jáne kınematografııa bóliminiń bastyǵy (1999-2001) qyzmetin atqarǵan. 1993-2017 jyldary T. Júrgenov atyndaǵy Óner akademııasynda kınotanýshylar sheberhanasyna jetekshilik etti. Otandyq kıno tarıhynda kınotanýshylardyń alǵashqy túlekterin oqytyp shyǵarǵan (1993-1997; 1998-2002; 2002-2006). Qazaqstan Respýblıkasy Bilim salasynyń úzdik qyzmetkeri atandy (1998). T. Júrgenov atyndaǵy Qazaq Ulttyq óner akademııasynyń akademııalyq professory (2000). Ónertaný professory (2005).
Tómendegi kitaptardyń avtory: «Qazaq kınosynyń jylnamasy», «Ertegige jan bitse: Qazaqstannyń mýltıplıkatsııalyq kınosy» (Almaty, «Óner», 1984, monografııa KSRO kınematografısteri odaǵynyń syılyǵymen marapattalǵan), «Qazaqstan kınosy», «Qazaq kınosynyń tarıhy», «Ekranda «Qazaqfılm», «Qazaq kınosyndaǵy ekrandyq-folklorlyq dástúr», sondaı-aq, 250-den astam maqala, retsenzııa men esseniń avtory.
62 jyl buryn (1956) Jambyl oblysy Baızaq aýdanynyń ákimi RAHMANBERDIEV Rahmatilda Segizbaıuly dúnıege keldi.
Jambyl oblysynda týǵan. 1970 jyly Almaty halyq sharýashylyǵy ınstıtýtyn bitirgen. Eńbek jolyn Jambyl oblysy Lýgovoı aýdanynda Lýgovoı jylqy zaýytynda aǵa ekonomıst bolyp bastady, komsomol, partııa qyzmetterinde boldy. 90-shy jyldary «Taraz» syrtqy ekonomıkalyq qaýymdastyǵynda jumys jasady, «Jambyl-ımpeks» qaýymdastyǵyn, «Arnabol» JShS-ny, sondaı-aq Lýgovoı aýdandyq ekonomıka basqarmasyn basqardy. Turar Rysqulov aýdany ákiminiń orynbasary, Jambyl oblysy ákimi apparaty basshysynyń orynbasary, oblystyq jumyspen qamtýdy úılestirý jáne áleýmettik baǵdarlamalar basqarmasynyń bastyǵy boldy. 2011 jyly Jambyl oblysy ákimdiginiń ishki saıasat basqarmasynyń bastyǵy, 2011-2013 jyldary Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasynyń bastyǵy, 2013-2017 jyldary Jambyl oblysy ákimdigi apparatynyń basshysy. Qazirgi qyzmetinde 2017 jylǵy naýryz aıynan beri.
54 jyl (1964) buryn belgili qazaqstandyq zerger ÁLІBAI Berik dúnıege keldi.
Jambyl oblysy, Merki aýdany, Qyzyl saı aýylynda týǵan.
N.Gogol atyndaǵy Almaty kórkemsýret ýchılışesin jáne T. Júrgenov atyndaǵy Qazaq Ulttyq Óner Akademııasyn bitirgen. Qazaqstan Dızaınshylar odaǵynyń, Qazaqstan Sýretshiler odaǵynyń múshesi. Respýblıkalyq «Zerger-99» baıqaýynyń erekshe «Zergerlik ónerine berilgen» sertıfıkatynyń ıegeri. Kóptegen respýblıkalyq jáne halyqaralyq kórmelerge qatysqan. B.Álibaıdyń jumystary Qazaqstan Respýblıkasynyń Ulttyq mýzeıiniń, Almaty qalasyndaǵy Ortalyq Memlekettik mýzeıdiń qorlarynda jáne Túrkııa, AQSh, Malaızııa, Qatar, Frantsııa, Armenııa jáne basqa da memleketterdegi ónerdi baǵalaýshylar men kollektsııa jınaýshylarynyń jeke jınaqtarynda bar. Sheber 2013 jyly álemdik zergerlik ónerdiń mádenı qundylyqtarynyń damýyna qosqan úlesi úshin qurmetti Karl Faberje ordenin aldy.
48 jyl buryn (1970) Shyǵys Qazaqstan oblysy Ulan aýdanynyń ákimi SAQTAǴANOV Nurymbet Amanuly dúnıege keldi.
Ońtústik Qazaqstan oblysynda týǵan.
Qyzylorda pedogogıkalyq ınstıtýtyn, Qyzylorda agrarlyq-tehnıkalyq kolledjin, MESA dıstantsııalyq bilim berý ınstıtýtyn, MESA Qyzylorda ekonomıka, statıstıka jáne aqparat ınstıtýtyn muǵalim, býhgalter, zańger mamandyqtary boıynsha aıaqtaǵan.
Eńbek jolyn ınstıtýt bitirgennen keıin 1992 jyly Qyzylorda qalasyndaǵy № 172 orta mektebinde muǵalim bolyp bastaǵan. 1993-1994 jyldary QR QK qatarynda bolyp, áskerden keıin Qyzylordanyń № 9 orta mektebinde jumysyn jalǵastyrdy.
1995-2001 jyldary Qyzylorda oblysy boıynsha Keden basqarmasynyń ınspektory, aǵa ınspektory, bas ınspektory, bólim bastyǵy, bólim bastyǵynyń orynbasary bolyp jumys istedi.
2001-2006 jyldary - QR Memlekettik kiris mınıstrligi Keden komıtetinde bas ınspektor, tóraǵanyń kómekshisi, bólim bastyǵy (QR Qarjy mınıstrliginiń Keden komıteti, Keden baqylaý agenttigi)
2006-2007 jyldary - QR Parlamentindegi Úkimet ókildiginiń bas ınspektory, QR Ekonomıka jáne bıýdjettik josparlaý mınıstrliginde bólim bastyǵy, mınıstrdiń keńesshisi.
2007-2010 jyldary - QR Eńbek jáne halyqty áleýmettik qorǵaý mınıstrliginiń Kóshi-qon komıteti tóraǵasynyń orynbasary.
2010-2012 jyldary - Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory
2012-2015 jyldary - Shyǵys Qazaqstan oblysy ákiminiń orynbasary
2015-2018 jyldary Shyǵys Qazaqstan oblysy ákiminiń birinshi orynbasary. Qazirgi qyzmetinde 2018 jylǵy mamyrdan beri.
43 jyl buryn Qazaqstan Respýblıkasynyń Túrik Respýblıkasyndaǵy Tótenshe jáne Ókiletti Elshisi Abzal SAPARBEKULY dúnıege keldi.
ІІ synypty keńesshi dıplomatııalyq dárejesi bar Abzal Saparbekuly 1975 jyly 6 tamyzda Jambyl oblysynda týǵan.
Túrik Repýblıkasynyń Ankara qalasyndaǵy Taıaý Shyǵys tehnıkalyq ýnıversıtetinde (Middle East Technical University) «Xalyqaralyq qatynastar mamandyǵy» (1999 j.) boıynsha bilim alǵan
QR Syrtqy ister mınıstrliginde 2000 jyly referent, attashe qyzmetterin atqarǵan. 2003-2008 jyldar aralyǵynda Qazaqstannyń Túrkııa Respýblıkasyndaǵy Elshiliginde attashe, úshinshi hatshy, ekinshi hatshy qyzmetterin atqarǵan.
2008 jyly «Qazaqstan temir joly» ulttyq kompanııasy Xalyqaralyq yntymaqtastyq departamentiniń dırektory.
2008-2011 jyldar aralyǵynda Jeneva qalasyndaǵy BUU-nyń Eýropa bólimshesi janyndaǵy Qazaqstan Respýblıkasynyń Turaqty Ókildiginde keńesshi boldy.
2011-2014 jyldar aralyǵynda Túrki Keńesiniń Hatshylyǵynyń dırektory laýazymynda boldy.
2014-2017 jyldar aralyǵynda Túrki tildes memleketterdiń yntymaqtastyq keńesi/Túrki Keńesi (Ystanbul qalasy) Bas hatshynyń orynbasary.
2017 jyldyń 5 sáýirinen bastap qazirge deıin Qazaqstan Respýblıkasynyń Túrkııa Respýblıkasyndaǵy Tótenshe jáne Ókiletti Elshisi laýazymynda.
229 jyl buryn (1789-1846) nemis ekonomısi, kósemsózshi, saıasatker LIST Frıdrıh dúnıege keldi.
136 jyl buryn (1881-1955) brıtan ǵalymy-bakterıolog, Nobel syılyǵynyń laýreaty Aleksandr FLEMING dúnıege keldi.