6-synyp oqýshysy alǵashqy kitabyn shyǵardy
QYZYLORDA. QazAqparat - Qyzylorda qalasyndaǵy №267 orta mekteptiń 6 synyp oqýshysy Altynaı Berik «Ertegiler» atty kitap shyǵaryp, elimizdegi eń jas jazýshynyń biri bolyp otyr, dep habarlaıdy QazAqparat.
Altynaıdyń alǵashqy kitabynyń shyǵýyna oblys ákimi Qyrymbek Kósherbaev qoldaý bildirgen. Sondaı-aq, alǵashqy týyndysynyń bir danasyn Elbasy Nursultan Nazarbaevqa joldady. Jańa týyndy 1000 dana taralymmen oqyrman qolyna tıdi. Ol 60 betten turady. Kitapqa 32 ertegi men óleńder jınaqtalǵan. Sonymen birge, kitapta jas órenniń óz qolymen salǵan sýretteri de bar.
Ol 7 jasynan beri qolyna qalam ustap, túrli ádebı shyǵarmalar jazyp keledi. Búginde onyń 40-qa jýyq ertegisi bar. Shyǵarmalarynyń kópshiligi jan-janýarlarǵa arnalǵan. Máselen, «Aq kójek», «Móldir bulaq», «Qyzyl qoraz», «Túıe», «Qamqorlyq» syndy týyndylary respýblıkalyq baıqaýda oryn alyp júr. Onyń ertegileri «Balapan» telearnasynyń 5 jyldyǵyna oraı ótkizilgen «Meniń ǵajaıyp ertegilerim» atty jınaqqa engizilgen.
Búginge deıin Altynaı túrli baıqaýlarǵa qatysyp, olardan joǵary jetistikpen oralyp keledi. Tuńǵysh ret «Jas órken» seriktestigi uıymdastyrǵan báıgede jeńmpazdar tuǵyrynan kóringen edi.
Altynaı kóp balaly otbasydan shyqqan. Ol - otbasyndaǵy 7 balanyń ekinshisi. Ákesi - Aıbek pen anasy - Aızada qarapaıym jandar.
Ádilet Qańtarbaev
