6 shildede álemdik naryqta munaı baǵasy tómendedi
ALMATY. KAZINFORM — Álemdik naryqta etalondyq munaı suryptarynyń baǵasy tómendep, negizgi markalar arzandady.
2026 jylǵy 6 shilde tańerteńgi jaǵdaı boıynsha Brent markaly munaıdyń baǵasy 0,60% tómendep, barreli 71,69 dollar boldy.
Al amerıkalyq WTI fıýchersteriniń quny 0,39% arzandap, barreli 68,42 dollardan saýdalanyp jatyr.
Reseılik Urals markaly munaıynyń baǵasy shamamen 8% tómendep, barreli 51,25 dollarǵa deıin tústi.
Munaı baǵasyna qysym kórsetken faktorlardyń biri — munaı óndirýshi elder alıansy OPEK+ qabyldaǵan sheshim boldy.
Buǵan deıin OPEK+ quramyndaǵy jeti el — Qazaqstan, Saýd Arabııasy, Reseı, Irak, Kýveıt, Aljır jáne Oman 2026 jylǵy tamyzdan bastap munaı óndirý kólemin táýligine 188 myń barrelge kóbeıtý týraly sheshim qabyldaǵan edi.
3-4 shilde kúnderi Oman baǵytymen Ormýz buǵazy arqyly ótken keminde segiz keme kútpegen jerden keri burylǵan. Onyń tórteýi keıin baǵytyn ózgertip, Iran jaǵalaýy boıymen júrgen.
Eske salaıyq, 3 shildede Iranda Joǵarǵy kóshbasshy aıatolla Seıed Álı Hameneımen qoshtasýǵa arnalǵan kópkúndik aza tutý rásimderi bastaldy. Qoshtasý rásimine Qazaqstan atynan Ermek Kósherbaev te qatysty.
Al 1 shildede AQSh pen Iran delegatsııalary Qatardyń resmı ókilderimen jeke kezdesýler ótkizdi. Qatar Syrtqy ister mınıstrligi kelissózderde oń ilgerileý bar ekenin málimdedi.
Saýdııalyq Al Arabiya telearnasynyń dereginshe, AQSh pen Iran arasyndaǵy kelissózderdiń kelesi kezeńi 11 shildede Pákistanda ótedi.
