6 shilde. Tulǵalar týǵan kún
Búgin, 6 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
85 jyl buryn (1940) Qazaqstandy 1989-2019 jyldar aralyǵynda basqarǵan keńestik jáne qazaqstandyq memleket jáne saıası qaıratker Nursultan Ábishuly NAZARBAEV dúnıege keldi.
Almaty oblysy, Qaskeleń aýdany, Shamalǵan aýylynyń týmasy. Dneprodzerjınsk tehnıkýmyn, Qaraǵandy metallýrgııa kombınaty janyndaǵy joǵary tehnıkalyq oqý ornyn, KOKP OK janyndaǵy joǵary partııa mektebin bitirgen.
Eńbek jolyn 1960 jyly Qaraǵandy oblysy Temirtaý qalasyndaǵy «Kazmetallýrgstroı» tresiniń qurylys bóliminde jumysshy bolyp bastaǵan. Odan keıin Qaraǵandy metallýrgııa kombınatynda quıý mashınalarynyń shoıyn quıýshysy, domna peshiniń mashınısi;
1965-1969 jyldary Qaraǵandy metallýrgııalyq kombınatynyń (Qaraǵandy metallýrgııalyq kombınaty) domna tsehynyń dıspetcheri, gazshysy, aǵa gazshysy;
1969-1973 jyldary Qaraǵandy oblysy Temirtaý qalasynda partııa-komsomol jumysynda; 1973-1977 jyldary Qaraǵandy metallýrgııalyq kombınaty partııa komıtetiniń hatshysy; 1977-1979 jyldary Qaraǵandy oblystyq partııa komıtetiniń hatshysy, ekinshi hatshysy;
1979-1984 jyldary Qazaqstan Kompartııasy Ortalyq Komıtetiniń hatshysy; 1984-1989 jyldary Qazaq KSR Mınıstrler Keńesiniń Tóraǵasy; 1989-1991 jyldary Qazaqstan Kompartııasy Ortalyq Komıtetiniń birinshi hatshysy;
1990 jylǵy aqpannan sáýirge deıin - bir mezgilde Qazaq KSR Joǵarǵy Keńesiniń Tóraǵasy; 1990 jyldyń sáýirinen - Qazaqstan Prezıdenti; Qazaqstan Respýblıkasy Qaýipsizdik Keńesiniń tóraǵasy, «Nur Otan» partııasynyń tóraǵasy qyzmetterin atqardy.
2019 jyldyń 19 naýryzynda Nursultan Nazarbaev Qazaqstan halqyna Joldaýynda otstavkaǵa ketetinin málimdedi.
44 jyl buryn (1981) Qaraǵandy oblysy memlekettik satyp alý basqarmasynyń bastyǵy Elnar Bekenuly ÝAHITOV dúnıege keldi.
Qaraǵandy oblysynda týǵan. E.A.Bóketov atyndaǵy Qaraǵandy memlekettik ýnıversıtetin bitirgen. QR Prezıdenti janyndaǵy Memlekettik basqarý akademııasyn bitirgen.
Eńbek joly: «Qaraǵandy Jylý» JShS logıstıka bóliminiń marketıng jáne sapa jónindegi menedjeri, «Karaganda Teh Servıs» JShS dırektory (2003-2005); «Marketıngtik jáne analıtıkalyq zertteýler ortalyǵy» AQ ókildiginiń konsýltanty, Astana qalasy (2005-2006); «Qaraǵandy oblysy ákiminiń apparaty» MM oblys ákiminiń turǵyn úı-kommýnaldyq sharýashylyq máseleleri jónindegi orynbasarynyń bas maman-keńesshisi mindetin atqarýshy (2006); Qaraǵandy oblysy ákiminiń turǵyn úı-kommýnaldyq sharýashylyq máseleleri jónindegi bas mamany – keńesshisi (2006-2007);
«CNRG Capital» JShS ókildiginiń dırektory, Astana qalasy (2008); «Qaraǵandy oblysynyń energetıka jáne kommýnaldyq sharýashylyq basqarmasy» memlekettik mekemesi basshysynyń orynbasary (2008-2009); Qaraǵandy oblysy ákimi apparatynyń uıymdastyrý jumysy bóliminiń meńgerýshisi (2009-2010);
Qazaqstan Respýblıkasy Indýstrııa jáne jańa tehnologııalar mınıstriniń keńesshisi (2010); «Qaraǵandy oblysynyń jolaýshylar kóligi jáne avtomobıl joldary basqarmasy» memlekettik mekemesi basshysynyń orynbasary (2010-2011); «Qaraǵandy oblysynyń jolaýshylar kóligi jáne avtomobıl joldary basqarmasy» MM kólik jáne kommýnıkatsııa bóliminiń basshysy (2011-2013); «Shahtınsk qalasy ákiminiń apparaty» MM Shahtınsk qalasy ákimi orynbasarynyń mindetin atqarýshy (2013-2014); Shahtınsk qalasy ákiminiń orynbasary (2013-2017); Astana qalasy Esil aýdany ákiminiń orynbasary (2017-2019); Astana qalasy Esil aýdany ákiminiń orynbasary (2019-2025).
2025 jyldyń naýryz aıynan bastap qazirgi qyzmetinde.