6 shildede Qytaıdyń Ortalyq telearnasy «Balalyq shaǵymnyń aspany» fılmin kórsetedi (FOTO)
BEIJІŃ. QazAqparat - 6 shildede, Beıjiń ýaqyty boıynsha 22:00-de Qytaı Ortalyq telearnasynan, atap aıtqanda CCTV-6-dan QR Prezıdenti Nursultan Nazarbaevtyń balalyq shaǵy, men jalyndy jastyq ómiri, eseıý joldary qamtylǵan " Balalyq shaǵymnyń aspany" kórkem fılmi kórsetiledi.
Týyndyny qytaı tiline derekti jáne ǵylymı-kópshilik fılmderdi shyǵaratyn eldegi iri «Zhongyang xinying jituan» kompanııasy aýdarǵan. Fýblıajdyń rejısseri - QHR-daǵy dybys rejısserleriniń eń úzdik bestigine kiretin Tsıýı Veıtszıýn (Qu Weijun).
Otandyq jýrnalıstermen bolǵan suhbatta ol fılm jaıly óz pikirimen bólisti.
«Men Sizderdiń elderińizdiń kóshbasshysyna asa úlken qurmetpen qaraımyn. Men Nursultan Nazarbaevtyń bir ushaqta QHR Tóraǵasy Sı Tszınpınmen birge tańerteńgi as iship otyrǵanyn kórgenda úlken áserde qaldym. Sonda Qazaqstan men Qytaıdyń arasyndaǵy uly dostyqty jan júregimmen sezindim»,- dedi ol.
Onyń aıtýynsha, fılmdi birneshe ret kórgen, daýys máneri uqsaıtyn akterlerdi izdegen.
Eske sala ketsek, «Balalyq shaǵymnyń aspany» fılminiń jelisi N. Nazarbaevtyń «Ádilettiń aq joly», «Ǵasyrlar toǵysynda», «Eýrazııa júreginde» kitaptarynyń negizinde jasalǵan. Bul týyndynyń tusaýkeseri 2011 jyldyń sáýir aıynda ótti.
Fılmniń rejısseri - Rústem Ábdirashev. Týyndynyń stsenarıı avtory - Shahımarden Qusaıynov pen Rústem Ábdirashev. Fılmge Bıbigúl Tólegenova, Erjan Jarylqasynuly, Nurjuman Yqtymbaev, Almagúl Álisheva, Natalııa Orynbasarova syndy tanymal ártister túsken. Basty keıipker Elbasynyń balalyq shaǵyn - jas akter Eljas Álpıev oınasa, mekteptegi shaǵyn - Ábilmansur Serikov, jigit bolǵan kezin Nurlan Álimjanov somdaıdy.
Munda Elbasynyń naqty ómiri kórkem shyndyqpen sıpattalady. Basty keıipker Sultan ushqysh bolýdy armandaıdy. Mektep bitirgen jyly Kıev azamattyq avıatsııa ınstıtýtyna oqýǵa da túsedi. Alaıda, taǵdyr joly ony basqa qıyrlarǵa bastaıdy....
«Túsirilim Elbasynyń týyp-ósken jeri Úshqońyr jaılaýynda,Shamalǵan aýylynda jáne Qaskeleń qalasynda ótti. 
