6 shilde kúni Astanada 79 sábı dúnıege keldi
ASTANA. 9 shilde. QazAqparat - Astana qalasynda 6 shilde, Elordanyń 15 jyldyq mereıtoıynda 79 sábı dúnıege keldi. Dúnıe esigin ashqan olardyń 42 -si qyz, 37-si er bala. Bul týraly Astana qalasy ákimdiginiń baspasóz qyzmetinen habarlandy.
Endi mereke kúninde dúnıege kelgenderdiń kýáliginde týǵan jeri «Astana qalasy» dep jazylatyn bolady. Degenmen, dúnıege kelgenderdiń barlyǵy da astanalyq otbasylardan emes bolyp otyr. Máselen, 34 jastaǵy Aqjamal Nurǵalıeva Qostanaı oblysynyń turǵyny, ol Astana toıynyń merekesine kelgen. Dál sol dýmandy merekeleý alańdarynyń birinde onyń tolǵaǵy qysyp, sol merekelik is-sharalar ortasynda bosanǵan. Oqys oqıǵa ornyna jetken dárigerler ananyń da sábıdiń de densaýlyqtary jaqsy ekenin anyqtap, olardy qaladaǵy №1 perınataldy ortalyqqa jetkizgen», - delingen baspasóz baıanynda.
Jalpy, ákimdik derekterine qaraǵanda, mereke kúnderi Astana perzenthanalarynda 269 sábı dúnıege kelgen. Atap aıtqanda, 5 shilde - 58, 6 shilde - 79, 7 shilde - 81, 8 shilde - 51 bala ómirge kelgen.
