6 sáýir kúni OSK-da QR Prezıdentin tirkeý máselesi jóninde otyrys ótedi
ASTANA. 5 sáýir. QazAqparat /Asqar Bımendın/ - Sársenbi, 6 sáýir kúni Astana ýaqytymen saǵat 10.00-de Ortalyq saılaý komıssııasynda 3 sáýir kúni saılanǵan QR Prezıdentin tirkeý máselesi jóninde otyrys ótedi dep josparlanyp otyr.
Bul týraly QazAqparat tilshisine QR Ortalyq saılaý komıssııasynyń baspasóz qyzmeti málim etti.
Otyrys qorytyndysy boıynsha jańa saılanǵan Memleket basshysyn tirkeý jáne oǵan QR Prezıdentiniń jańa kýáligin tapsyrý týraly qaýly qabyldanady.
Sonymen qatar, osy is-shara barysynda el Prezıdentin ulyqtaý saltanatyn ótkizý máselesi de qozǵalýy múmkin.
