6 óńirde «Qandas» mártebesin berý qyzmeti tsıfrlyq júıege kóshti
ASTANA. KAZINFORM – Elimizdiń 6 óńirinde «Qandas» mártebesin berý jáne «Ata joly» kartasyn resimdeý qyzmetteri pılottyq rejımde iske qosyldy. Bul týraly 24 kz saıty jazdy.
FSM Social mobıldik qosymshasy arqyly qonys aýdarýshylar men qandastardy jergilikti qoǵamdastyqqa beıimdeý jáne ıntegratsııalaý qyzmetteri keńeıtildi. Bul júıe 25 qyzmet túrin qamtıdy jáne olardyń nátıjesin Otbasynyń tsıfrlyq kartasy arqyly baqylaýǵa bolady. 12 myńǵa jýyq qandas pen qonys aýdarýshylar osy qyzmetterdi paıdalanyp úlgerdi.
Sondaı-aq sheteldik mamandar úshin suranysqa ıe kásipterdiń tizbesi keńeıtildi, Tálimgerlikti uıymdastyrý qaǵıdalary men jumys berýshiler úshin talaptar bekitildi.
Eske sala keteıik, buǵan deıin bıyl qansha etnıkalyq qazaq qandas mártebesin alǵanyn jazǵan bolatynbyz.