6 óńirde búginnen bankomattar qolma-qol aqshamen qamtamasyz etiledi - Ulttyq bank
NUR-SULTAN. QazAqparat – Búginnen bastap Aqtóbe, Qyzylorda, Shyǵys-Qazaqstan oblystary men Shymkent, Aqtaý jáne Túrkistan qalalarynda bankomattardy qolma-qol aqshamen qamtamasyz etý júrgizilip jatyr. Bul týraly QR Ulttyq bankiniń baspasóz qyzmeti habarlady.
«Qazaqstan Ulttyq Banki qarjy júıesiniń turaqty jumysyn qamtamasyz etý jónindegi Memleket basshysynyń tapsyrmasyn oryndaý maqsatynda jaǵdaıy turaqty jekelegen aımaqtarda, atap aıtqanda, 8 qańtardan bastap Aqtóbe, Qyzylorda, Shyǵys-Qazaqstan oblystary men Shymkent, Aqtaý jáne Túrkistan qalalarynda ekinshi deńgeıli banktermen bankomattardy qolma-qol aqshamen qamtamasyz etý boıynsha jumystardyń jalǵasyp jatqanyn habarlaıdy», delingen málimette.
Aıta keteıik, buǵan deıin Kaspi bank pen Halyk Bank-tiń mobıldi qosymshalary ınternetsiz jumys istep turǵanyn habarlaǵan bolatynbyz.
