6 naýryzda elimizdiń 3 qalasynda aýa sapasy nasharlaıdy
ASTANA. QazAqparat - Sársenbi, 6 naýryz kúni Qazaqstannyń úsh qalasynda aýa sapasy nasharlaıdy, dep habarlaıdy QazAqparat.
«Qazgıdromet» RMK-nyń málimetine sáıkes, Aqtaý, Atyraý jáne Qaraǵandy qalalarynda aýa lastanýynyń qolaısyz meteorologııalyq jaǵdaılary kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
