6 naýryzda el aýmaǵynyń basym bóliginde jel kúsheıip, kóktaıǵaq bolady
ASTANA. QazAqparat - 6 naýryzda Qazaqstannyń basym aýmaǵynda atmosferalyq aýa aǵyndarynyń ótýine baılanysty aýa raıy qubylmaly bolady, soltústik óńirlerde qar jaýady. Keı jerlerde tuman, kóktaıǵaq, jaıaý burqasyn, jeldiń kúsheıýi kútiledi, dep habarlaıdy Qazgıdromet.
Aqmola, Qostanaı, Soltústik Qazaqstan oblystarynyń keı jerlerinde tuman, kóktaıǵaq, túnde keı jerlerde burqasyn bolady jel 15-20 m/s kúsheıedi, keı jerlerde jeldiń jyldamdyǵy 30 m/s jetýi yqtımal.
Batys Qazaqstan oblysynyń keı jerlerinde jaıaý burqasyn, tuman, kóktaıǵaq, jel 15-20 m/s kútiledi.
Aqtóbe oblysynyń keı jerlerinde kóktaıǵaq, kúndiz jaıaý burqasyn, jeldiń jyldamdyǵy - 15 m/s.
Jambyl, Atyraý oblystarynyń keı jerlerinde tuman túsedi, kúndiz jel 15-20 m/s kútiledi, Jambyl oblysynda kóktaıǵaq bolýy múmkin.
Shyǵys Qazaqstan oblysynyń keı jerlerinde tuman, kóktaıǵaq, jeldiń jyldamdyǵy 15-20 m/s jetedi.
Pavlodar oblysynyń keı jerlerinde burqasyn, túnde jel 15-20 m/s kútiledi.
Almaty, Qyzylorda, Mańǵystaý, Qaraǵandy, túnde Túrkistan oblystarynyń keı jerlerinde tuman túsýi yqtımal.
