6 naýryzda elimizde ótetin mańyzdy is-sharalar ańdatpasy

ASTANA. KAZINFORM – Kazinform halyqaralyq aqparat agenttigi Qazaqstanda 6 naýryz kúni ótetin mańyzdy is-sharalar ańdatpasyn usynady.

09:30-da Ashat Aımaǵambetovtyń tóraǵalyǵymen áleýmettik-mádenı damý komıtetiniń taqyryptyq otyrysy ótedi.

10:00-de QR Parlamenti Senatynyń otyrysy bastalady.

10:00-de Radisson Astana qonaq úıinde QR Aýyl sharýashylyǵy mınıstrligimen birlesken FAO-Qazaqstan seriktestik baǵdarlamasy aıasyndaǵy perspektıvalyq jobalardy talqylaýǵa arnalǵan dóńgelek ústel ótedi.

10:00-de Astananyń oń jaǵalaýynda ornalasqan №2 qalalyq emhana fılıalynda «Ǵylymı-óndiristik transfýzıologııa ortalyǵy» RMK donorlyq pýnkti ashylady.

11:30-da QR Prezıdenti janyndaǵy Ortalyq kommýnıkatsııalar qyzmetinde «Kóktemgi áskerı shaqyrý naýqany» atty baspasóz máslıhaty ótedi.

14:00-de Edil Jańbyrshınniń tóraǵalyǵymen ekologııa jáne tabıǵatty paıdalaný máseleleri jónindegi komıtettiń taqyryptyq otyrysy ótedi. Onda «QazMunaıGaz» ulttyq kompanııasy» AQ taýarlar, jumystar jáne qyzmetterdi satyp alýdaǵy ımportty almastyrý máseleleri talqylanady.

14:30-da Radisson Astana qonaq úıinde FAO-Qazaqstan seriktestik baǵdarlamasy aıasynda sý resýrstaryn turaqty basqarý jáne ırrıgatsııa máselelerine arnalǵan dóńgelek ústel ótedi.

15:00-de Senattyń Qarjy jáne bıýdjet komıtetiniń depýtattary «Investıtsııalyq klımatty jaqsartý jáne bıznesti júrgizý sharttaryn jetildirý» taqyrybynda dóńgelek ústel ótkizedi.

15:00-de QR Sý resýrstary jáne ırrıgatsııa mınıstrliginiń alqaly otyrysy ótedi.

19:00-de Orta bıznes-ortalyǵynda «Genderlik ekonomıka – Qazaqstan men álem týraly ne bilemiz?» taqyrybynda MIND-Talks ashyq dárisi ótedi.