6 myńnan astam qazaqstandyq kólik júrgizý quqyǵynan aıryldy

ASTANA. QazAqparat – Jyl basynan beri 7 myńnan astam otandasymyz mas kúıinde kólikke otyrǵan, olar jaýapqa tartyldy. Bul týraly Іshki ister mınıstrligi Ákimshilik polıtsııa komıtetiniń erekshe tapsyrmalar jónindegi aǵa ınspektory Aqtoty Boranova málim etti, dep habarlaıdy QazAqparat tilshisi.

«Jyl basynan beri 128 myńǵa jýyq jaıaý júrginshi jáne 7 myńnan astam mas kólik júrgizýshisi ákimshilik jaýapkershilikke tartyldy. Sonymen qatar 6 myńnan astam júrgizýshi kólik basqarý quqyǵynan aıyryldy sol sııaqty 8 myńǵa jýyq adam qamaýǵa alyndy. Bul derekter jol erejeleri qaýipsizdigin saqtaýǵa qoǵamnyń ár múshesi jaýapty ekenin bildiredi», - dedi Aqtoty Boranova Іshki ister mınıstrliginde ótken baspasóz máslıhatynda.

Onyń aıtýynsha, jol júrý erejeleri otbasynda, mektepte jáne qoǵamda únemi aıtylyp, túsindirý jumystary keńinen júrgizilýi tıis.

«Odan bólek, jolda dórekilikke, nemquraılyq pen bassyzdyqqa jol bermeý kerek. Sonymen qatar ishimdik iship nemese eskirtkige masaıyp kólik júrgizetinder bar, olardan keletin qaýip joǵary. Qoǵamdyq tártipti saqtap, zań talaptaryn oryndaý barshaǵa ortaq mindet. Ol saqtalmaǵan jaǵdaıda qoǵam músheleri zardap shegýi múmkin», - deıdi ol.