6 myńǵa jýyq soltústikqazaqstandyq medsaqtandyrýǵa qatysýǵa múmkindik aldy

PETROPAVL. QazAqparat – Soltústik Qazaqstan oblysynda jumys berýshiler óz qyzmetkerleri úshin mindetti áleýmettik saqtandyrý qoryna 5 mıllıonnan astam teńge saldy, dep habarlaıdy QazAqparat tilshisi.

«ÁMSQ» KEAQ SQO boıynsha fılıalynyń baspasóz qyzmetiniń habarlaýynsha, bul tólemdi jumys berýshiler 224 myńnan astam adam úshin jasaǵan. Sondaı-aq 5 myń 776 soltústikqazaqstandyq biryńǵaı jıyntyq tólem jasaý arqyly medıtsınalyq saqtandyrý júıesine qatysýǵa múmkindik aldy. Nátıjesinde olar medıtsınalyq qyzmetterdi tolyq kólemde paıdalana alady.

«2017 jyldyń 1 shildesinen bastap bıylǵy 30 qyrkúıekke deıingi aralyqta jumys berýshiler men jeke kásipkerlerdiń mindetti áleýmettik medıtsınalyq saqtandyrý qoryna salǵan jarnalary men tólemderiniń jalpy somasy 214,4 mlrd teńgege jetti», - delingen habarlamada.

Onyń 205,5 mlrd teńgesi nemese 95,9 paıyzy jumys berýshilerden túsken aqsha, al qalǵan 8,9 mlrd teńge, ıaǵnı 4,1 paıyzy jeke kásipkerlerdiń nemese azamattyq-quqyqtyq shart boıynsha jumys isteýshilerdiń jarnalary.

El óńirleri arasynda eń kóp qarajat Almaty, Nur-Sultan qalalarynan jáne Qaraǵandy oblysynan túsken.

MÁMS boıynsha jınalǵan qarajat senimdi basqarý boıynsha kelisim jasalǵan Ulttyq bankte saqtalǵan. Bolashaqta bul soma MÁMS aıasynda kórsetiletin qyzmetti tóleýge jumsalady.