6 myńǵa jýyq bosqyn Meksıkadan AQSh shekarasyna bet aldy
Mıgratsııa qyzmetkerleriniń aıtýynsha, bul sońǵy jyldarǵy óńirdegi eń aýqymdy bosqyndar kerýeni bolmaq.
Kem degende 6 myń adam shekara mańyndaǵy Tapachýla qalasynan shyǵyp, AQSh shekarasyna qaraı bet alǵan.
Meksıka ulttyq mıgratsııa ınstıtýty toptyń naqty sany boıynsha eshbir málimet jarııalamady.
Agenttiktiń jazýynsha, ómir súrý úshin jaqsy jaǵdaı izdegen mıgranttardyń kópshiligi Venesýeladan kelgen.
Kerýen bosqyndary Los-Andjeleste ótetin sammıtke qatysýdy josparlap otyr. Solaısha, memleketter kóshbasshylarynyń nazaryn kedeıshilik pen zorlyq-zombylyqqa aýdaryp, bul jaǵdaıǵa dereý áreket etýge shaqyrmaq.
Amerıka prezıdenti Djo Baıden osy aptada kóshi-qosh boıynsha óńirlik kelisim týraly jarııalaıtyny kútiledi. Ol buǵan deıin eldiń ımmıgratsııalyq saıasatyndaǵy jekelegen shekteý sharalaryn alyp tastaýǵa ýáde etken bolatyn.
Aıta keteıik, ótken jyly bosqyndardyń rekordty sany amerıka-meksıka shekarasynan ótpek bolǵan edi.