6 myńǵa jýyq almatylyq HQO-ǵa bıometrııalyq málimetterin engizdi
Tsıfrlandyrý protsesiniń eń mańyzdy túri bıometrııalyq málimetterdiń engizilýi bolyp otyr. Qazir qaǵaz qujattardyń ornyn bıometrııalyq ındentıfıkatsııa basyp jatyr. Smartfondy saýsaq izimen ashý, selfı arqyly tólem jasaý, daýyspen komanda berý arqyly qarajat aýdarý buryn múmkin emes dúnıe bolyp kelse, búgin oǵan tańǵalýdyń qajeti joq.
2020 jyldyń qańtarynan bastap Almatynyń Bostandyq aýdanyndaǵy HQO-ǵa 2200 adam bıometrııalyq málimetin engizgen. Endi olar memlekettik qyzmetti saýsaq izimen jáne bet-álpetiniń skanerlik sýreti boıynsha alatyn bolady.
Bostandyq aýdanyndaǵy HQO ǵımaratynda arnaıy apparat pen planshet ornatylǵan. Jaqynda qaladaǵy barlyq HQO-da bul qyzmet qoljetimdi bolady.
Joba iske asyryla bastaǵan 2018 jyldan beri Almatynyń 6 myńǵa jýyq turǵyny memlekettik qyzmetti bıometrııalyq parametrler arqyly alýǵa ótinish bildirgen. Alaıda, azamattardyń kópshiligi ózderiniń jeke málimetteriniń qaýipsizdigine alańdaýshylyq bildirgen.
«Azamattarǵa arnalǵan úkimet» memlekettik korporatsııasynyń Almaty bólimshesiniń PR-menedjeri Jańyl Ápetova bıometrııalyq parametrlerdi qoldaný elektrondyq kiltter men parol qoldanýdan anaǵurlym qaýipsiz bolmaq.
«Sebebi, bul parametrlerdi umytyp qalý, qaldyryp ketý, joǵaltý múmkin emes. Bul tehnologııalar kún sanap qaryshtap damyp jatyr. Buryn bul tehnologııany kınolardan qyzyqtaıtynbyz. Kóp uzamaı kúndelikti qoldanysqa endi», - dedi Jańyl Ápetova.