6 myń qazaqstandyq úı karantıninde jatyr

NUR-SULTAN. QazAqparat – Statsıonarlyq jáne úı karantınimen jalpy 9 myńnan astam qamtyldy. Bul týraly QR Densaýlyq saqtaý vıtse-mınıstri Lıýdmıla Bıýrabekova málim etti, dep habarlaıdy QazAqparat tilshisi.

«Statsıonarlyq karantınde elimiz boıynsha 3 myńnan astam, al úı karantıninde 6 myń adam bar. Statsıonarlarda adamdar táýlik boıy dáriger men meıirbıke tarapynan baqylaýda bolady. Osy oraıda hattamaǵa sáıkes dene qyzýy ólshenip, preparattar beriledi. Úı karantınindegi adamdar arnaıy formany toltyryp, karantın tártibin buzǵany úshin belgilengen jaýapkershilik týraly eskertiledi. Sonymen qatar, tazalyq sharalaryn júrgizý, bólmeni jeldetý jáne basqa da qajetti erejeler túsindiriledi», - dedi vıtse-mınıstr onlaın tártipte ótken baspasóz máslıhatynda.

Budan buryn habarlanǵandaı, Lıýdmıla Bıýrabekova Qazaqstanda koronavırýspen qaıtadan aýyrǵandar tirkelmegenin jetkizdi.

Sonymen qatar, ol kúzde koronavırýstyń ekinshi tolqyny kelse, karantındik sharalar qabyldanýy múmkin ekenin aıtty .