6 mlrd dollar shyǵynǵa batyrǵan JP Morgan bankiniń burynǵy treıderi tutqyndaldy
ASTANA. 29 tamyz. QazAqparat - AQSh-tyń suraý salýymen Ispanııada JP Morgan bankiniń burynǵy treıderi Haver Martına-Artaho tutqyndaldy, dep habarlaıdy Halyqtyq IPO baǵdarlamasynyń resmı saıty.
The Telegraph habarynsha, banktiń burynǵy qyzmetkerine jalǵan esep jasady degen kúdik keltirilýde, sol áreket óz kezeginde «London kıti» degen laqap atymen tanymal basqa bir treıder - Brýno Iksılge kredıttik-defolttik svoptar (CDS) naryǵynda qýlyq áreketterge barýǵa múmkindik bergen.
Iksıldiń jańsaqtyǵy londondyq JPMorgan Chase-ti alǵashqy esep-qısap boıynsha 2 mlrd dollar shyǵynǵa batyrǵan, al sońǵy baǵalaý boıynsha bul tsıfr úsh esege ósken. Iksıl ashqan pozıtsııalardy joıý úshin bankke shamamen 6 mlrd. dollar qajet.
Buryndary Brýno Iksıl AQSh Ádilet departamentimen mámile jasasqan, ol oǵan qylmystyq qýdalaýdan qutylýǵa múmkindik berdi. Odan aıyptaý óziniń eki áriptesiniń isine qatysty, olardyń biri - Martın-Artaho, tergeýge kómektesýge aıyrbas retinde alynyp tastalynǵan edi. Martına-Artahony ekstradıtsııalaý úshin Ispanııa Ulttyq sotynyń arnaıy sheshimi qajet.
