6 mlrd dollar: Mońǵolııanyń memlekettik valıýta rezervteri tarıhı shegine jetti
ASTANA. KAZINFORM — Mońǵolııanyń kredıttik reıtıngisiniń ósýi jáne syrtqy qarjylandyrýǵa qolaıly jaǵdaılardyń qalyptasýy nátıjesinde 2 jeltoqsandaǵy jaǵdaı boıynsha memlekettik valıýta rezervteri 6 014,20 mln AQSh dollaryn qurap, tarıhı maksımýmǵa jetti. Bul týraly Montsame jazdy.
Mońǵolııa Ulttyq banki habarlaǵandaı, memlekettik valıýta rezervteriniń ósýi ulttyq ekonomıka men qarjy naryqtarynyń turaqtylyǵyn arttyrý, Ulttyq banktiń maqsattaryn qoldaý jáne týgrık turaqtylyǵyn qamtamasyz etý úshin mańyzdy.
Mońǵolııadaǵy taý-ken ónerkásibiniń ónimin óndirý men eksporttyń jedel ósýi tólem balansyn, syrtqy saýdany jáne shetel valıýtasynyń bank júıesi arqyly aǵymyn arttyrdy. Mońǵolııa úkimeti men Ulttyq bank negizgi ekonomıkalyq sharttarǵa sáıkes syrtqy naryqtarda shyǵarylǵan oblıgatsııalardy qaıta qarjylandyrý jáne iri sheteldik qaryzdardy óteý arqyly qaryzdy tıimdi basqarýdy sátti júzege asyryp keledi.
Eske sala ketsek, buǵan deıin 2026 jyly Mońǵolııa Ortalyq Azııa ekonomıkalyq yntymaqtastyǵy ınstıtýtyna tóraǵalyq etetinin jazdyq.