6 myńnan astam qazaqstandyq bankrot dep tanyldy

Elimizde ózin bankrot dep jarııalaǵan azamattardyń sany 6 myńnan asty, dep habarlaıdy Kazinform.

«Halyqtyń shamadan tys kredıt alý problemasyn sheshý quraldarynyń biri – azamattardyń tólem qabilettiligin qalpyna keltirý. Búgingi tańda 6 myńnan astam azamat bankrot dep tanyldy. Boryshkerlerdiń bárinde birdeı bankrottyq rásimin paıdalaný múmkindigi joq. Problemalyq qaryz alýshylardy kóbirek qamtý úshin Qarjy mınıstrligi osy jyldyń sońyna deıin qujattar berýdi ońaılatý jáne sottan tys bankrottyqty qoldaný rásimin jetildirý jóninde sharalar qabyldaýy qajet», - dedi Úkimet basshysy Álıhan Smaıylov Úkimet otyrysynda.

Onyń aıtýynsha, ózin bankrot dep jarııalaǵan azamat onyń qaryzy jabylady degen túsinikten aýlaq bolý kerek.

«Búgingi tańda bank salasyndaǵy ınternet-alaıaqtyq ózekti máselege aınaldy. Sońǵy jyldary mundaı faktilerdiń sany 5 esege deıin kóbeıip ketken. Jyl basynan beri ınternet-alaıaqtyqqa baılanysty 15 myńnan astam qylmystyq is tirkeldi. Keltirilgen zııannyń mólsheri 13 mlrd teńgeni qurady. Onyń 65%-in shetelden kelgen alaıaqtar jasaǵan», - deıdi ol.

Odan bólek, Premer-Mınıstr Іshki ister mınıstrligi múddeli memlekettik organdarmen jáne mobıldi baılanys kompanııalarymen birge osyndaı jaǵdaılarǵa monıtorıngti kúsheıtip, alaıaqtyq faktisi boıynsha azamattardyń ótinishterin jedel qaraýy kerektigin aıtty.