6 memlekette ǵana áıel men erlerdiń eńbek quqyǵy teń - Dúnıejúzilik bank
ASTANA. QazAqparat - Dúnıejúzilik bank búkil álem boıynsha tek alty memleket áıelder men erlerdiń eńbek quqyǵyna zań júzinde teńdik bergenin habarlady. The Guardian basylymynyń aıtýynsha, bul tizimde Shvetsııa men Frantsııa kósh bastaǵan. Odan keıin Belgııa, Danııa, Latvııa, Lıýksembýrg tur.
Dúnıejúzilik bank jarılaǵan «Áıelder, bıznes jáne zań» atty baıandamada 187 memlekettegi genderlik jaǵdaıǵa taldaý jasalǵan. Basylymnyń habarlaýynsha, on jyl buryn álemde eshbir memleket áıelder men erlerdiń zańdyq quqyǵyn teńestirmegen.
«Baıandamada zertteý segiz kórsetkish boıynsha jasalǵan. Onyń ishinde áıelderdiń eńbek etýine áser etetin ekonomıkalyq sheshimder, qozǵalys erkindigi, zeınetaqy alýy, kásipkerlik nemese jumysqa ornalasýdaǵy quqyqtar qarastyrylǵan», dep jazady avtor.
Avtordyń aıtýynsha, genderlik teńdik jahan halqynyń jartysy áıelderdi quraıtyn álemde ekonomıkalyq ósimniń mańyzdy bóligi sanalady.
