6 maýsymda Qazaqstannyń shyǵysynda jańbyr jaýyp, burshaq túsýi múmkin, jel kúsheıedi - sınoptıkter
ASTANA. 5 maýsym. QazAqparat - Tsıklon jáne oǵan baılanysty atomosferalyq fronttar 6 maýsym kúni Qazaqstan aýmaǵynyń shyǵys bóliginde óziniń áserin saqtap qalady, dep habarlaıdy Qazgıdrometke silteme jasaǵan TJM-niń baspasóz qyzmetinen.
Munda jańbyr jaýady, keıbir aýdandarda kúshti jańbyr kútiledi, burshaq túsýi múmkin, naızaǵaı oınap, jel kúsheıedi, keıbir jerlerde shańdy daýyl turady.
Respýblıkanyń batys aýmaqtaryndaǵy aýa raıy antıtsıklonnyń yqpalymen shýaqty, ystyq bolady.
Aqmola, Soltústik Qazaqstan, Pavlodar oblystarynda keıbir jerlerde jeldiń jyldamdyǵy sekýndyna 17-22 metrge deıin kúsheıedi, túnde 25 m/s deıin jetedi.
Mańǵystaý, Qostanaı, Qaraǵandy, Shyǵys Qazaqstan, Almaty, Jambyl, Ońtústik Qazaqstan, kúndiz Atyraý oblystarynda keıbir jerlerde jel 15-20 m/s deıin kúsheıedi, Shyǵys Qazaqstan oblysynda shańdy daýyl bolady.
Atyraý, Batys Qazaqstan oblystarynda keıbir jerlerde kún qatty ystyq bolady dep kútilýde.
Qyzylorda, Mańǵystaý oblystarynda keı jerlerde tótenshe joǵary órt qaýiptiligi saqtalady.
Jaqyn táýlikterde respýblıkanyń ońtústik, ońtústik-shyǵys jáne shyǵysynda sý deńgeıiniń aýytqýlary kútilýde.
Esterińizge sala keteıik, Qazgıdromet buǵan deıin 6 maýsym kúni kúndiz Shyǵys Qazaqstan oblysynda kúnniń 31-36°S-qa deıin ystyq bolatyny týraly eskertý jasaǵan.
