6 mamyrda búkil el boıynsha jel kúsheıip, 4 oblysta úsik júredi

ASTANA. QazAqparat - Qazgıdromet sınoptıkteri 6 mamyr, senbige arnalǵan aýa raıy boljamyn jarııalady.

Oǵan sáıkes, búgin aýqymdy antıtsıklon áserinen Qazaqstannyń basym bóliginde jaýyn-shashynsyz aýa raıy saqtalady.

Ońtústik tsıklon jáne oǵan baılanysty fronttardyń saldarynan eldiń batysynda, ońtústik-batysynda jáne ońtústiginde jańbyr jaýady, naızaǵaı jarqyldaıdy.

Respýblıka boıynsha jel kúsheıedi, ońtústikte, ońtústik-shyǵysta, soltústik-batysta shańdy daýyl, batysta, ońtústik-batysta – tuman túsedi.

Túnde Soltústik Qazaqstan oblysynyń ońtústik-batysynda 2 gradýs úsik, Ulytaý oblysynyń shyǵysynda, Aqtóbe oblysynyń soltústiginde, Qostanaı oblysynyń ońtústiginde topyraq betinde 1-3 gradýsqa deıin úsik júrip ótedi.

Tańerteń jáne kúndiz Jambyl oblysynyń soltústik-shyǵysynda kúshti jel soǵyp, ekpini 30 m/s asady.