6 mamyrda eldiń basym bóliginde jel kúsheıedi

ASTANA. KAZINFORM - Qazgıdromet Qazaqstan aımaqtarynda 6 mamyrda bolatyn qaýipti meteorologııalyq qubylystarǵa boljaý konsýltatsııasyn jarııalady. 

QR basym bóliginde atmosferalyq frontaldy bólimderdiń ótýine baılanysty qubylmaly aýa raıy saqtalady: naızaǵaı oınap, jańbyr jaýady; túnde eldiń ońtústiginde, ońtústik-shyǵysynda jáne shyǵysynda qatty jańbyr jaýady. Tek soltústikte, eldiń ortalyǵynda jaýyn-shashyn bolmaıdy. Respýblıka boıynsha jeldiń kúsheıýi kútilýde, ońtústikte, ońtústik-shyǵysta – daýyl, ońtústik-shyǵysta – burshaq, soltústik-batysta, ońtústikte, ortalyqta – tuman.

Túnde Aqmola, Soltústik Qazaqstan oblystarynda, Qostanaı oblysynda 1-6 gradýs úsik saqtalady, Aqtóbe oblysynyń soltústiginde, Pavlodar, Qaraǵandy oblystarynyń batysynda, soltústiginde 3 gradýs úsik kútiledi.

Mańǵystaý oblysynyń basym bóliginde, Atyraý oblysynyń batysynda, soltústiginde, shyǵysynda, Qaraǵandy oblysynyń batysynda, ońtústiginde, ortalyǵynda, Ulytaý oblysynyń shyǵysynda, ortalyǵynda, Qyzylorda oblysynyń batysynda, Aqtóbe oblysynyń ońtústik-batysynda joǵary órt qaýpi saqtalady.