6 qyrkúıekte el boıynsha Olımpıada kúni keń kólemde atalyp ótilmek
ASTANA. QazAqparat - Elimizdiń barlyq óńirlerinde, sondaı-aq Astana men Almaty qalalarynda 6 qyrkúıekte Olımpıada kúni atap ótiledi. Shara QR Ulttyq Olımpıada komıteti, Mádenıet jáne sport mınıstrligi jáne Halyqaralyq Olımpıada komıtetiniń (HOK) uıymdastyrýymen ótedi.
Bul týraly búgin ótken baspasóz máslıhatynda Ulttyq Olımpıada komıtetiniń Astana qalalyq fılıalynyń tóraǵasy Qýandyq Eljanov málim etti. Onyń aıtýynsha, Astanada 6 qyrkúıek kúni saǵat 10:00-de Mádenıet jáne demalys saıabaǵynda (ortalyq jańa saıajolda) bastalady. «Olımpıada kúni sporttyq qabiletterimizge qaramastan, barshamyzǵa arnalǵan jáne ózi qarapaıym júgirý nemese sporttyq is-sharany emes, odan da mańyzdyraq maǵynany beredi. Atalǵan shara «Qozǵal! Zertte! Jańalyq ash!» degen úsh tujyrymdama tóńireginde júrgiziledi», - dep atap ótti Q.Eljanov. Uıymdastyrýshylardyń málimetinshe, qazirgi Olımpıada kúni - qozǵalystyń týǵan kúni dástúr boıynsha júgirýmen ótkiziledi. Joǵaryda atalǵan alańda 8-11 synyp oqýshylary arasyndaǵy 800 metrge júgirý eki kezeńmen ótedi. Qyzdar arasyndaǵy júgirý saǵat 10.20-da, al uldar arasynda 10.40-ta bastalady. Kolledj jáne arnaıy orta bilim oryndarynyń oqýshylary arasynda 800 metrge júgirý sáıkesinshe 11.00-de jáne 11.20-da ótedi. 1200 metrlik úshinshi jeke júgiris saǵat 11:45-te bastalady. Oǵan joǵary oqý oryndarynyń stýdentteri, mınıstrlikter men vedomstvolar, qarýly kúshter qyzmetkerleri, QR Parlamenti depýtattary, elshilik qyzmetkerleri, Olımpıada chempıondary, BAQ ókilderi jáne qatysýǵa nıetti barlyq adamdar qatysa alady. Sondaı-aq múmkindigi shekteýli jandardyń arasynda arbada otyryp 100 metrge jarysý da uıymdastyrylady. Sonymen qatar Olımpıada kúnine qatysýshylar úshin belsendi baǵdarlama josparlanýda. Sonyń biri - 5-10 jastaǵy balalar arasynda «Olımpıadalyq saıys» atty asfaltqa sýret salý baıqaýy ótedi.
