6 qyrkúıekte Astanada Olımpıada kúni atalyp ótiledi
«Bul mereke 1894 jyly 23 maýsymda Per de Kýberten jáne onyń seriktesteri Olımpıada oıyndaryn jańǵyrtyp, Halyqaralyq Olımpıada komıtetin (HOK) qurýyna oraılastyryldy», delingen habarlamada.
Búginde álemde 200-den astam Ulttyq Olımpıada komıtetteri Olımpıada kúnin atap ótedi. Sharanyń maqsaty - salaýatty ómir saltyn nasıhattaý, dostyq, syılastyq pen sporttyq sheberlik tárizdi olımpıadalyq qundylyqtardy kórsetý. «Dástúr boıynsha bul kúni Astanada júgirýden jarystar ótedi. Mektep oqýshylary arasynda 800 metrge jeke júgirý, sondaı-aq ekinshi 800 metrge jeke júgirý kolledjder men orta kásibı bilim berý mekemeleri oqýshylarynyń arasynda ótedi. Úshinshi jeke júgiriste 1200 metr qashyqtyqty baǵyndyrý qajet. Oǵan JOO stýdentteri, mınıstrlikter men vedomstvo qyzmetkerleri, áskerı jáne kúsh qurylymdary, Qazaqstan Respýblıkasynyń Parlamenti jáne Májilis depýtattary, elshilik qyzmetkerleri, Olımpıada chempıondary, BAQ qyzmetkerleri, sondaı-aq nıet tanytqan kez-kelgen adam qatysa alady», delingen habarlamada.
Múmkindigi shekteýli sportshylar arasynda 100 metrge deıin arba jarysy ótedi. 5-10 jastaǵy balalar «Olımpıada jarystary» atty asfalttaǵy sýretter baıqaýyna qatysa alady. Olımpıada kúniniń jeńimpazdary men júldegerlerine Ulttyq Olımpıada komıtetiniń, jarys demeýshileriniń syılyqtary men Olımpıada sımvolıkasy beınelengen maıkalar tabystalady. Qashyqtyqty sátti aıaqtaǵandar HOK prezıdenti Tomas Bahtyń qoltańbasy bar sertıfıkattarǵa ıe bolady. Olımpıada kúniniń saltanatty ashylýy 6 qyrkúıekte saǵat 10.00-de elordalyq mádenıet jáne demalys saıabaǵynda bolady.
