6 qyrkúıek kúni elordada ótetin mańyzdy is-sharalar ańdatpasy

ASTANA. QazAqparat – «QazAqparat» halyqaralyq aqparat agenttigi 6 qyrkúıek kúni Astanada ótetin mádenı jáne qoǵamdyq mańyzdy sharalar ańdatpasyn usynady.

10.00-de QR Parlamenti Májilisiniń jalpy otyrysy ótedi. Depýtattar Qazaqstan men Ózbekstan úkimetteri arasyndaǵy Qazaqstan-Ózbekstan kedendik shekarasy arqyly qubyr kóligi jáne elektr jelileri arqyly energııa resýrstaryn ótkizý kezinde birlesken kedendik baqylaý týraly ratıfıkatsııalyq kelisimdi qaraıdy. Tikeleı efırdi parlam.kz resmı saıtynan, Májilistiń YouTube arnasynan jáne Facebook paraqshasynan kórýge bolady.

10.30-da «AIFC Property Offices» ortalyǵynda «Ortalyq Azııa onkologııalyq aptalyǵy» atty halyqaralyq ǵylymı-praktıkalyq konferentsııa ótedi.

12.00-de QR Prezıdenti janyndaǵy Ortalyq kommýnıkatsııalar qyzmetinde «Stýdentterdi jańa oqý jylynda jataqhanamen qamtamasyz etý» atty baspasóz máslıhaty ótedi. Spıkerler: QR ǴJBM Joǵary jáne joǵary oqý ornynan keıingi bilim komıteti tóraǵasynyń orynbasary Abylaıhan Aqerke; QR Ǵylym jáne joǵary bilim mınıstriniń jastar isi jónindegi keńesshisi-stýdenttik ombýdsmen Aısulý Ernııazova; «Qarjy ortalyǵy» AQ Іlgeriletý jáne syrtqy kommýnıkatsııalar departamentiniń dırektory Aınur Saıranqyzy Saǵyndyqova. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz

12.00-de Qarajar aýylynda «Uly dala joryǵy-2023» marafonynyń ekinshi maýsymy aıasynda Astana-Túrkistan baǵyty boıynsha baspasóz konferentsııasy ótedi.

15.00-de QR Prezıdenti janyndaǵy Ortalyq kommýnıkatsııalar qyzmetinde «MÁMS júıesin jetildirý týraly» baspasóz máslıhaty ótedi. Spıkerler:

QR Densaýlyq saqtaý birinshi vıtse-mınıstri Sultanǵazıev Tımýr Slamjanúly;

«Medıtsınalyq saqtandyrý qory» KEAQ Basqarma tóraǵasynyń orynbasary Muhamedjan Іlııas Tuǵyshqanuly; Profıldi mamandar. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz