6 qyrkúıek. Kazinform kúntizbesi. Tulǵalar týǵan kún

Reshat ESKENDІROV, Qazaqstan Respýblıkasy Qorǵanys mınıstrliginiń Memlekettik avıatsııanyń ushý qaýipsizdigin qadaǵalaý departamentiniń bastyǵy

1968 jyly Shyǵys Qazaqstan oblysynda dúnıege kelgen. Tbılısı joǵary artıllerııalyq komandalyq ýchılışesin, Mıhaılov artıllerııalyq akademııasyn úzdik bitirgen. Ulttyq qorǵanys ýnıversıtetiniń Bas shtab akademııasyn támamdaǵan.

Eńbek joly: Qazaqstan Respýblıkasynyń Qarýly Kúshterinde túrli laýazymdarda qyzmet atqarǵan. 2022 jyly QR Qarýly Kúshteri Bas shtabynyń Ushqyshsyz avıatsııa júıelerin damytý jáne qoldaný departamentiniń bastyǵy boldy.

Qazirgi qyzmetine 2022 jylǵy tamyzda taǵaıyndalǵan.

Marǵulan BAIMUHAN, Qazaqstan Respýblıkasynyń Taıland Koroldigindegi Tótenshe jáne Ókiletti Elshisi

1974 jyly Almaty oblysynda dúnıege kelgen. Dıplomatııalyq akademııany, Varshavadaǵy Polsha halyqaralyq qatynastar ınstıtýtyn (2010), Polshadaǵy Krakov ekonomıkalyq ýnıversıtetin (2011), Kanadadaǵy Vankýver ýnıversıtetin (2015), Ulybrıtanııadaǵy Hartfordshır ýnıversıtetin (2016) bitirgen.

Eńbek joly: 1996-1997 jyldary «Daewoo Electronics» kompanııasynda marketıng jáne kommertsııalyq máseleler jónindegi menedjer;1997-1999 jyldary «River System Ltd.» kompanııasynyń eksport departamentinde maman, keńesshi, Ońtústik Kavkaz jáne Ortalyq Azııa boıynsha óńirlik dırektor; 1999-2001 jyldary QR Syrtqy ister mınıstrliginiń Halyqaralyq ekonomıkalyq yntymaqtastyq departamentinde attashe, úshinshi hatshy; 2001-2005 jyldary Qazaqstan Respýblıkasynyń Polshadaǵy Elshiliginde attashe-konsýl, úshinshi hatshy, ekinshi hatshy; 2005-2007 jyldary QR Syrtqy ister mınıstrliginde keńesshi, Halyqaralyq uıymdar departamentiniń basshysy, TMD isteri departamentiniń Áskerı-saıası yntymaqtastyq basqarmasynyń basshysy; 2007-2013 jyldary Qazaqstan Respýblıkasynyń Polshadaǵy Elshiliginde keńesshi, keńesshi-ýákil; 2013-2015 jyldary QR Syrtqy ister mınıstrliginiń Syrtqy saıası taldaý jáne boljaý komıteti tóraǵasynyń orynbasary; 2015 jyly Toastmasters International klýbynyń spıkeri; 2015-2019 jyldary Qazaqstan Respýblıkasynyń Polshadaǵy Elshisi; 2019-2021 jyldary Qazaqstan Respýblıkasynyń Syrtqy ister mınıstriniń orynbasary; 2021-2025 jyldary Qazaqstan Respýblıkasynyń Belgııadaǵy Elshisi, Lıýksembýrgtegi Elshisi qyzmetin qosa atqarǵan, Qazaqstan Respýblıkasynyń Eýropalyq Odaq pen Soltústik Atlantıkalyq shart uıymy (NATO) janyndaǵy ókildigin basqarǵan.

Qazirgi qyzmetine 2025 jylǵy tamyzda taǵaıyndalǵan.

Jánibek ÁBDRAShOV, erekshe tapsyrmalar jónindegi elshi – Qazaqstan Respýblıkasy Syrtqy ister mınıstrliginiń Almaty qalasyndaǵy ókildiginiń jetekshisi

1977 jyly Almaty qalasynda dúnıege kelgen. Qazaq memlekettik zań ýnıversıtetin zańger mamandyǵy boıynsha 1998 jyly bitirgen.

Eńbek joly: 1998-2004 jyldary QR Syrtqy ister mınıstrliginiń dıplomatııalyq korpýsqa qyzmet kórsetý departamentinde zań keńesshisi, sektor meńgerýshisi; 2004-2006 jyldary QR Syrtqy ister mınıstrliginiń Almaty qalasyndaǵy ókildiginiń Memlekettik protokol qyzmetinde bólim basshysy; 2006-2010 jyldary Qazaqstan Respýblıkasynyń BUU janyndaǵy Nıý-Iorktegi Turaqty ókildiginde ekinshi, birinshi hatshy; 2010-2014 jyldary QR Syrtqy ister mınıstrliginiń Memlekettik protokol qyzmeti bastyǵynyń orynbasary; 2014 jylǵy 2017 jylǵy qarashaǵa deıin QR Syrtqy ister mınıstrliginiń Memlekettik protokol qyzmetiniń bastyǵy; 2017-2019 jyldary Qazaqstan Respýblıkasynyń Nıý-Iorktegi Bas konsýly; 2019-2024 jyldary Qazaqstan Respýblıkasynyń Vengrııadaǵy Elshisi; 2020-2024 jyldary Qazaqstan Respýblıkasynyń Soltústik Makedonııa Respýblıkasyndaǵy Elshisi qyzmetin qosa atqarǵan.

Qazirgi qyzmetine 2024 jylǵy shildede taǵaıyndalǵan.

Ersin ÓTEBAEV, Astana qalasy ákiminiń orynbasary

1978 jyly Almaty oblysy, Jambyl aýdanynyń Uzynaǵash aýylynda dúnıege kelgen. Qazaq kólik jáne kommýnıkatsııalar akademııasyn 1995-2000 jyldary, Baǵalaý jáne qurylys akademııasyn 2006-2008 jyldary, Qaztutynýodaǵy Qaraǵandy ekonomıkalyq ýnıversıtetin 2009-2011 jyldary bitirgen.

Eńbek joly: 2002-2008 jyldary jeke sektorda túrli qyzmetter atqarǵan; 2008-2012 jyldary bıýdjettik uıymdarda túrli laýazymdarda qyzmet etken; 2012-2016 jyldary memlekettik qyzmette bolyp, Astana qalasynyń Kommýnaldyq múlik jáne memlekettik satyp alý basqarmasy basshysynyń orynbasary, keıin basqarma basshysy qyzmetterin atqarǵan; 2016-2023 jyldary Astana qalasynyń Aktıvter jáne memlekettik satyp alý basqarmasynyń basshysy bolǵan.

Qazirgi qyzmetine 2023 jylǵy qyrkúıekte taǵaıyndalǵan.

Azat ІZBASAROV, Batys Qazaqstan oblystyq sotynyń tóraǵasy

1978 jyly Almaty oblysynyń Tekeli qalasynda (qazirgi Jetisý oblysy) dúnıege kelgen. Qazaq memlekettik zań ýnıversıtetin «Quqyqtaný» mamandyǵy boıynsha 1999 jyly bitirgen.

Eńbek joly: 1999-2001 jyldary Almaty oblysy ІІB tergeýshisi; 2001-2004 jyldary Taldyqorǵan qalasy ІІB tergeýshisi; 2004-2007 jyldary Almaty oblysy qalalyq ІІB tergeýshisi; 2007-2008 jyldary Almaty qalasy Almaly aýdandyq ІІB tergeý bóliminiń bastyǵynyń orynbasary; 2008-2009 jyldary atalǵan bólimniń bastyǵy; 2009-2014 jyldary Almaty oblysy Qarasaı aýdandyq sotynyń sýdıasy; 2014-2018 jyldary Mańǵystaý oblysynyń mamandandyrylǵan aýdanaralyq qylmystyq sotynyń tóraǵasy; 2018 jylǵy 31 mamyrdan 2021 jylǵa deıin Mańǵystaý oblystyq sotynyń sýdıasy; 2021-2025 jyldary Batys Qazaqstan oblystyq sotynyń qylmystyq ister jónindegi sot alqasynyń tóraǵasy.

Qazirgi qyzmetine 2025 jylǵy naýryzda taǵaıyndalǵan.

Nursultan RAQYShEV, Abaı oblysynyń prokýrory

1984 jyly dúnıege kelgen. Qazaq gýmanıtarlyq-zań ýnıversıtetin «Quqyqtaný» mamandyǵy boıynsha bitirgen.

Eńbek joly: 2004 jyly Astana qalasy prokýratýrasy basqarmasynyń prokýrory; QR Bas prokýratýrasy departamentiniń bólim prokýrory; Almaty qalasy basqarmasynyń aǵa prokýrory, Almaty qalasy prokýrorynyń kómekshisi; Bostandyq aýdany prokýrorynyń orynbasary; Jambyl oblysyndaǵy túzeý mekemelerindegi zańdylyqtyń saqtalýyn qadaǵalaý jónindegi mamandandyrylǵan prokýror; Mamandandyrylǵan tabıǵat qorǵaý prokýratýrasynyń prokýrory; Almaty qalasy Naýryzbaı aýdanynyń prokýrory; 2017 jylǵy shilde – 2019 jylǵy sáýir aralyǵynda Qazaqstan Respýblıkasynyń Bas prokýratýrasynyń Reseı Federatsııasyndaǵy ókili; 2019-2022 jyldary Almaty qalasy prokýrorynyń orynbasary; 2022 jyly Almaty qalasy prokýrorynyń birinshi orynbasary.

Qazirgi qyzmetine 2026 jylǵy aqpanda taǵaıyndalǵan.