Jumaǵa kún raıy boljamy

6 qazan kúni frontaldy bólikterdiń ótýimen Qazaqstannyń batysynda, soltústik-batysynda, ońtústigi men ońtústik-shyǵysynda naızaǵaı oınap, jańbyr jaýady. El aýmaǵynyń qalǵan bóligine antıtsıklon jotasy áser etip, jaýyn-shashynsyz kún raıy saqtalady. Barlyq óńirde tuman kútiledi, ońtústikte jáne ońtústik-shyǵysta ekpindi jel turady, dep habarlaıdy QazAqparat «Qazgıdromet» RMK-ǵa silteme jasap.

Atap aıtqanda, Aqmola oblysynyń ortalyǵy men shyǵysynda túnde topyraq betinde 3 gradýs úsik júredi.

Túrkistan oblysynyń soltústiginde, shóldi aýmaǵynda, ortalyǵynda, shyǵysy men ońtústiginde asa joǵary órt qaýpi saqtalady.

Jambyl, Mańǵystaý oblystarynda, Atyraý oblysynyń ońtústigi men shyǵysynda órt shyǵý qaýpi joǵary.