6 qazanda Qazaqstannyń birneshe óńirinde qar jaýyp, jel kúsheıedi
ASTANA. KAZINFORM — 6 qazanda Qazaqstannyń birqatar óńirinde jańbyr aralas qar, jaıaý burqasyn, kóktaıǵaq, tuman, qatty jel jáne qatqaq kútiledi. Keıbir oblystarda jeldiń ekpini 28 m/s-qa deıin jetedi, dep habarlaıdy Kazinform agenttigi «Qazgıdrometke» silteme jasap.
Astanada 6 qazanda keı ýaqytta jańbyr men qar jaýady. Ońtústik-batystan soǵatyn jeldiń ekpini 15–20 m/s bolady, túnde jáne tańerteń keı ýaqytta 23–28 m/s-qa deıin jetedi.
Shymkentte túnde jáne tańerteń tuman túsedi.
Aqmola oblysynda jańbyr men qar jaýady, túnde oblystyń soltústigi men shyǵysynda jaýyn-shashyn qatty bolady. Batysynda, soltústiginde jáne shyǵysynda jaıaý burqasyn men kóktaıǵaq, keı jerlerde tuman kútiledi. Oblystyń soltústigi men shyǵysynda jeldiń ekpini keı ýaqytta 23–28 m/s-qa jetedi.
Qaraǵandy oblysynyń batysynda, soltústiginde jáne shyǵysynda jańbyr men qar jaýady, joldarda kóktaıǵaq bolady. Jeldiń jyldamdyǵy 15–20 m/s, kúndiz keı jerlerde 23–28 m/s-qa deıin kúsheıedi.
Pavlodar oblysynda túnde batysy men soltústiginde jańbyr men qar jaýady, kúndiz jaýyn-shashyn oblystyń basqa aýmaqtaryna da taralady. Soltústigi men shyǵysynda jaýyn-shashyn qatty bolady. Sondaı-aq jaıaý burqasyn, kóktaıǵaq jáne tuman kútiledi. Kúndiz jeldiń ekpini 23–28 m/s-qa deıin jetedi.
Soltústik Qazaqstan oblysynda jańbyr men qar, jaıaý burqasyn jáne kóktaıǵaq kútiledi. Túnde jáne tańerteń oblystyń soltústigi men shyǵysynda tuman túsýi múmkin. Ońtústigi men shyǵysynda jeldiń ekpini 23–28 m/s-qa deıin jetedi.
Qostanaı oblysynda túnde qar, jaıaý burqasyn jáne kóktaıǵaq bolady. Kúndiz soltústiginde, shyǵysynda jáne ońtústiginde jańbyr aralas qar jaýady. Keı jerlerde tuman túsip, jel 15–20 m/s-qa deıin kúsheıedi.
Jetisý oblysynyń taýly aımaqtarynda jaýyn-shashyn, túnde keı ýaqytta qatty jańbyr men qar jaýady. Ortalyǵy men taýly aýdandarynda tuman kútiledi. Alakól kólderi aýdanynda jeldiń ekpini 23–28 m/s-qa deıin jetedi. Túnde oblystyń batysy men soltústiginde 2 gradýsqa deıin qatqaq bolady. Shyǵysynda órt qaýpi joǵary deńgeıde saqtalady.
Almaty oblysynda túnde shyǵysy men ońtústik-shyǵysynda jańbyr men qar jaýady, taýly aımaqtarda tuman túsedi. Oblystyń soltústiginde 1 gradýsqa deıin qatqaq kútiledi.
Shyǵys Qazaqstan oblysynda túnde shyǵysynda jáne taýly aımaqtarynda jańbyr, qar jáne kóktaıǵaq bolady. Batysynda, soltústiginde jáne shyǵysynda túnde jáne tańerteń tuman kútiledi. Ońtústigi men ortalyǵynda órt qaýpi joǵary, al ońtústik-shyǵysynda tótenshe órt qaýpi saqtalady.
Abaı oblysynda túnde ońtústigi men shyǵysynda jańbyr, qar jáne tuman kútiledi. Oblys ortalyǵynda órt qaýpi joǵary deńgeıde saqtalady.
Ulytaý oblysynda túnde soltústigi men shyǵysynda jańbyr men qar jaýady. Keı jerlerde jeldiń ekpini 23 m/s-qa deıin jetedi. Batysynda, ońtústiginde jáne ortalyǵynda tótenshe órt qaýpi saqtalady.
Qyzylorda oblysynda kúndiz batysynda, soltústiginde jáne ortalyǵynda shańdy daýyl kútiledi, jel 15–20 m/s-qa deıin kúsheıedi. Túnde soltústiginde 2 gradýsqa deıin qatqaq júredi. Óńirde órt qaýpiniń joǵary jáne tótenshe deńgeıi saqtalady.
Túrkistan oblysynda túnde jáne tańerteń batysynda, soltústiginde, taýly jáne taý bókterindegi aýdandarynda tuman túsedi. Taýlarda 1 gradýsqa deıin qatqaq jáne 15–20 m/s-qa deıin jel kútiledi. Oblystyń soltústiginde tótenshe órt qaýpi saqtalady.
Jambyl oblysynda túnde shyǵysynda jáne taýly aımaqtarynda jańbyr men qar jaýady. Taýlarda tuman túsip, 2 gradýsqa deıin qatqaq bolady. Keı jerlerde jeldiń ekpini 15–20 m/s-qa deıin jetedi.
Batys Qazaqstan oblysynda túnde jáne tańerteń soltústigi men shyǵysynda tuman kútiledi. Ońtústigi men shyǵysynda órt qaýpi joǵary deńgeıde saqtalady.
Atyraý oblysynda órt qaýpi joǵary deńgeıde, al óńirdiń ońtústiginde tótenshe deńgeıde saqtalady.
Mańǵystaý oblysynda batysy men ortalyǵynda órt qaýpi joǵary deńgeıde saqtalady.
Buǵan deıin Soltústik Qazaqstan oblysynda kún kúrt sýytyp, keı aýdandarda búgin túnde qar jaýǵany týraly jazǵan edik.
